Magistratýraǵa grant konkýrsyna qatysý úshin qujat qabyldaý bastaldy, dep habarlaidy dalanews.kz.
Qujatty 18 tamyzǵa deiin (qosa alǵanda) joǵary oqý oryndarynyń qabyldaý komissiialary, sonyń ishinde virtýaldy qabyldaý komissiialary qabyldaidy.
58 myńǵa jýyq adam magistratýraǵa túsý úshin keshendi test tapsyrdy. Shekti ball jinaǵandar grant konkýrsyna qatysa alady. Magistratýrada oqýǵa arnalǵan bilim berý granty keshendi test nátijesi boiynsha konkýrstyq negizde taǵaiyndalady.
Konkýrsqa qatysý úshin mynadai qujattardy tapsyrý qajet:
- jeke kýáliktiń kóshirmesi,
- joǵary bilimi týraly qujat (diplom jáne qosymshasy);
- KT sertifikaty jáne shet tilin meńgergenin rastaityn halyqaralyq sertifikattar (bolǵan jaǵdaida).
Qujattardy tapsyrý kezinde talapker bilim berý baǵdarlamalarynyń bir tobyn jáne úsh joǵary oqý ornyn kórsete alady. Bilim granty iegerleriniń tizimi 25 tamyzǵa deiin jariialanady.
