Eýraziialyq odaq: ortaq qundylyqtar qajet pe?
Saiasattanýshy Edýard Poletaevtyń pikirinshe, odaqqa birikken memleketterdiń arǵy-bergi tarihy tamyrlasyp jatyr. Endeshe, mádeni-gýmanitarlyq bailanystardy ári qarai da damytatyn, jetildiretin ortaq qundylyqtar qalyptastyrýdyń eshqandai ábestigi joq.
Al «Liter» gazetiniń saiasi sholýshysy Oleg Sidorov bolsa, mádeni-gýmanitarlyq básekelestikti joǵary deńgeige shyǵarý úshin úkimettik emes uiymdar men aqparat quraldarynyń arasyndaǵy bailanysty jetildirý kerek degen pikirde.
Onyń pikirine qosylatynyn aitqan, «Moskovskii komsomolets v Kazahstane» gazetiniń bas redaktorynyń orynbasary Sergei Kozlov: «Eýraziialyq ekonomikalyq odaqqa birikken elderde ortaq qundylyqtardy qalyptastyrýǵa septigin tigizetin ortaq aqparattyq saiasat joq» deidi.
Óz kezeginde jiynnyń shymyldyǵyn japqan Áskeri-strategiialyq zertteýler ortalyǵynyń bas ǵylymi qyzmetkeri Andrei Han: «Eýraziialyq qundylyqtar týraly aitpai turyp, bul qundylyqtardyń ishine ne kiredi degen saýalǵa jaýap bergenimiz jón siiaqty. Meniń oiymsha, dál qazirgi kúni osy Eýraziialyq atty uǵymǵa Qazaqstan men Resei belgili bir maǵyna berýge tyrysyp júr. Al, aitalyq Ózbekstan memleketi muny qoldamaidy. Ashyǵyn aitaiyn, eýraziiashyldyq Resei úshin óziniń imperiialyq ambitsiiasyn júzege asyrý, al Qazaqstan úshin tranzittik múdde ǵana» degen pikir bildirdi.
