"Kelesi jyly biz ortalyqta jáne jergilikti jerde aýqymdy kadrlyq ózgeris jasaimyz. Bastyqtardyń únemi búiregi buryp turatyn adamdarymen qoshtasýyna týra keledi. Olardyń ornyn jańa kadrlar basady. Qazaqstanǵa tiimdi jumys isteitin tehnokrattar qajet", – dedi Toqaev úkimettiń keńeitilgen otyrysynda.
Prezidenttiń aitýynsha, ministrler jáne ákimder ózine qolaily adamdardy ǵana qyzmetke taǵaiyndaityn ádetti doǵarýǵa tiis.
Ministrlikterdiń ózinde "kerek adamyn" taǵaiyndaý úshin zań talaptaryn attap ótetin nemese qalaýynsha ózgertip alatyn jaǵdailar bar.
"Bul áreketter barlyq jerde kezdesedi. Jer inspektsiiasy, quqyq qorǵaý salasy, reviziialyq komissiia jáne basqa da baqylaý organdary jergilikti biliktiń yqpalynda bolmaýy kerek. Ádil báseke bolmasa, kásibi mamandar memlekettik qyzmetke qyzyqpaidy", – dep atap ótti prezident.
Qazirgi kezde daryndy jastar memlekettik qyzmetke kelýge qulyqsyz.
"Aimaqtarda tek sol óńirdiń azamattary jumys isteýi kerek degen qasań túsinikten arylý kerek. Adamnyń bilikti bolýy onyń týǵan jerine bailanysty emes. Jumystyń naqty nátijesimen ǵana baǵalanady", – dedi Toqaev.
Budan bólek, prezident memlekettik organdardyń basshylary jekelegen máseleler boiynsha óz betinshe sheshim qabyldaýdan áli qorqatynyn aitty.
"Vedomstvoaralyq úilestirý men salaaralyq máselelerdi sheshýdegi rólin arttyra otyryp, premer-ministr keńsesin Úkimettiń jinaqy apparatyna keshendi transformatsiialaý júrgizilýi tiis. Qabyldanǵan sheshimderdi sapasyz oryndaý máseleleri ministrler men vedomstvolar basshylarynyń ókilettikterine negizdeledi. Memlekettik organdardyń basshylary jekelegen máseleler boiynsha óz betinshe sheshim qabyldaýdan áli qorqady", – deidi memleket basshysy.
Qasym-Jomart Toqaevtyń atap ótýinshe, memlekettik organdar ártúrli dálelderdi alǵa tartyp, prezidenttiń nemese prezident ákimshiligi basshysynyń maquldaýyn alýǵa tyrysatyndyǵyn basa aitty.
"Keide Úkimet múshelerine jazbasha tapsyrma berýge týra keledi. Áitpese tapsyrmanyń oryndalmaý, jobanyń oryndalý merziminiń úzilý qaýpi bar. Biýrokratiiasyzdandyrý týraly Jarlyq aiasynda biz Úkimet pen ýákiletti memlekettik organdardyń quzyretine jatatyn aǵymdaǵy máseleler boiynsha qujattardy Ákimshilikke engizýge tyiym saldyq. Alaida bul tájiribe áli joiylǵan joq", – dedi Prezident.
https://dalanews.kz/kogam/84357-prezidenttik-rezervtegi-zhastardy-zhu
https://dalanews.kz/aimak/84330-ongtustik-ongirdegi-yelektr-deficiti-me
