Bolattyń asyna jinalǵan eks-prezidenttiń jaqtastary syrt kózge sypaiy, montany kóringenmen, ishtei alai-túlei kúide júr. Memqyzmetpen qosh aitysqan bulardyń kópshiligi saiasi yqpalyn joǵaltqanmen, aqshalai resýrstan aiyrylǵan joq.
"Eski Qazaqstannyń" esil-derti - revansh. Toqaevtyń prezidenttiń merzimi taýsylýǵa taqaǵan saiyn bulardyń burynǵy júieni qaitarýǵa degen qulshynysy da kúsheie túspek. Jańa Qazaqstan júzege asyryp jatqan reformalar bulardyń janyna jat.
Nazarbaevqa aqyryna deiin adal bolýǵa ant bergen top - eldi demokratiialyq stilde basqarýdy múlde quptamaidy. Olardyń oiynsha dúiim dúniege taralǵan demokratiianyń daǵdylaryn qazaqtardyń boiyna sińirý qaýipti. Sondyqtan qazirgi saiasi reformalardy Toqaevtyń tusynda bolmasa da, ol ketkennen keiin barynsha tejeýge tyrysady.
Ilgeride aityp ótkendei, "eskiqazaqstandyqtardyń" qolyndaǵy eń qundy resýrs - aqsha. Qulybaevtyń kompaniialary elden tapqan túsimdi jymyn bildirmei shetke tasyp jatyr. Nazarbaevtyń ózge sybailastary da kapitalǵa kende emes. Saiasi repýtatsiiasyn qaitarý úshin esep-shotyndaǵy milliardtardy sarp etýden taiynbaidy.
Áýlettiń keibir ókilderiniń qolynda toptasqan media aktivter kerek kezinde eldegi aqparattyq saiasattyń aýanyn ózgerte alady.
Bolattyń asyna qatysqan eks-bas prokýror Qairat Qojamjarovtyń sóz saptaýynan Jańa Qazaqstanǵa ses kórsetkeni sezilip turdy. Óziniń tusynda "oidan shyǵarylyp, qoldan quralǵan" qylmystyq ister boiynsha abaqtyǵa qamalyp, keiin aqtalǵan azamattarǵa qatysty saýalǵa "sot olardy kináli dep tanydy" dep jaýap bergen Qojamjarov kúlli eski Qazaqstannyń atynan sóilegendei áser qaldyrdy.
[caption id="" align="alignnone" width="1200"]
Nazarbaevtyń senimdi serikteri jańa zamannyń tártibine baǵynyp, Toqaevpen aradaǵy ýaǵdany saqtaǵysy kelmeitinin aiqyn ańǵartty. Mundaida bulardyń ýysyndaǵy aktivterdi qaitarý týraly áńgime qozǵaýdyń ózi ersileý estiledi.
"Eskiqazaqstandyqtar" Memleket basshysynyń reformalary uzaqqa sozylmaityn ýaqytsha qubylys dep sanaidy. Toqaevtyń prezidenttik merzimi aiaqtalǵannan keiin qarymta qaitaratyn ońtaily sát týady degen oida.
Bolattyń asyndaǵy Timýr Qulybaev pen Dariǵa Nazarbaevanyń beiqam otyrysy qoǵamnyń ashýyna tigeni ótirik emes. Eski júieniń ókilderin ókshelei qýyp, jaýapqa tartý protsesi qoǵam tarapynan qoldaý tappasa, qarsylyqqa ushyramaityny anyq.
https://dalanews.kz/del-qazir/95431-balaeva-turmystyq-zorlyq-zombylyqpe
