EKSPO-nyń burynǵy basshysy Talǵat Ermegiiaev shartty túrde merziminen buryn bosatýdy surady,- dep habarlaidy Dalanews.kz
"Astana EKSPO-2017" ulttyq kompaniiasynyń eks-tóraǵasy, sybailas jemqorlyq isi boiynsha sottalǵan Talǵat Ermegiiaev shartty túrde merziminen buryn bosatý týraly ótinish berdi. Qazir bul másele sotta qaralyp jatyr.
Onyń uly Mádi Ermegiiaev Prezident Qasym-Jomart Toqaevqa úndeý joldap, isti qaita qarap, ákesin keshirýdi surady. Advokattarynyń aitýynsha, Ermegiiaev para almaǵan, al is qoldan uiymdastyrylǵan.
"Astana EKSPO-2017" ulttyq kompaniiasynyń burynǵy basshysy, burynǵy týrizm jáne sport ministri Talǵat Ermegiiaev 2016 jyly asa iri mólsherde para alǵany jáne asa iri mólsherde bótenniń múlkin iemdengeni nemese ysyrap etkeni úshin sottaldy. Sot ony qatań rejimdegi koloniiada 14 jylǵa bas bostandyǵynan aiyrdy. Oǵan qosa sottalýshynyń barlyq múlki tárkilendi.
