Qýandyq Bıshimbaevtyń anasy reseılik bloger Natalá Greıske aqsha tólegeni ras pa? Bul suraqqa eks-mınıstrdiń advokaty Erlan Ǵazymjanov jaýap berdi, – dep habarlaıdy Dalanews.kz Massaget.kz-ke siltep.

Erlan Ǵazymjanov buǵan deıin Natalá Greısti tanymaǵanyn alǵa tartty.

"Qoǵamda Natalá Greıske 100 myń qarjy tólep, Máskeýden shaqyrdy degen aqparat tarady, biraq men Natalá Greıske eshkim aqsha tólemegenin bilemin. Adamdar ol munda reseılik bloger retinde qoldaý kórsetýi úshin ádeıi shaqyrtyldy dep jatty. Bul – ótirik. Jasy 80-nen asyp ketken, áleýmettik jelilerde eshteńe bilmeıtin Bıshimbaevtyń anasy Natalá Greısti taýyp alyp, ony shaqyrdy deısiz be? Bul aqymaqtyq sekildi kórinedi. Biz Natalá Greısti bilmedik.

Onyń tek aqshaǵa kelisetini týraly pikir joq. Bul múldem durys emes. Onyń kelýi jáne aqparattyq qoldaýy eshteńege áser etpeıdi. Ol sekildiler kóp boldy, mysaly, Sobchak maǵan da júgindi. Maǵan Sobchak ókilderi jazdy, suhbat alǵysy keldi, men bas tarttym. Sebebi men sot prosesine áser etýi múmkin is-sharalarǵa qatysqym kelmedi", – dedi ol.

Eske salaıyq, buǵan deıin Saltanat Núkenovanyń ólimine qatysty sot prosesi kezinde reseılik bloger Natalá Greıs Qazaqstanǵa kelip, Bıshimbaevtyń ata-anasynan suhbat alǵan bolatyn.

Bıshimbaevtyń anasy Álmıra Bıshimbaeva ulyn "ana retinde qolynan kelgenshe qorǵap júrgenin" aıtyp, kózine jas aldy. Sonymen qatar, Ýálıhan Bıshimbaev ta ulynyń isine qatysty pikir bildirdi. 

Odan bólek, Álmıra Bıshimbaev uly Saltanatty óltirý oıy bolmaǵanyn aıtty.