Ótken jyly Almaty oblysyna kelgen týrıser sany 1,5 mln. adam bolsa, sonyń ishinde 750 myńnan astam adam Alakóldiń úlesinde. Demalysyna Jetisýdy qolaıly kóretinderdiń sany bıyl 2 mıllıonǵa jetedi dep mejelenip otyr. Bul týraly oblys ákimi Amandyq Batalov turǵyndarmen bolǵan esepti kezdesýinde aıtty, – dep habarlaıdy Almaty oblysy ákiminiń baspasóz qyzmeti.

Týrızmde irgeli maqsattarǵa qol jetkizý úshin bıylǵy jyly eki iri joba qolǵa alynǵan. Olar - Alakól kóli jaǵalaýynda ınvestısıa kólemi 10 mlrd. teńge bolatyn «Fenıks» JSHS-nyń demalys aımaǵy, sonymen qatar Eńbekshiqazaq aýdanynda jobalyq qýatyna saı kúnine 5 myń adamdy qabylaı alatyn «Esik» taý shańǵy kýrorty, jobanyń quny 64 mlrd.teńge.

Aıta ketsek, Alakól kóli jaǵalaýynyń ınfraqurylymyn damytýǵa jergilikti búdjetten 4 mlrd. teńgege jýyq qarjy bólingen. Temirjol qatynasy uıymdastyrylyp, Úsharal qalasynda áýejaı salyndy, temir jol vokzalynyń qurylysy bastaldy.

 

Almaty oblysy ákiminiń baspasóz qyzmeti

 

https://dalanews.kz/34204