Túrkistan oblysynyń ákimi Ómirzaq Shókeev jaýapty sala basshylarymen birge oblys ortalyǵyndaǵy abattandyrý jáne kógaldandyrý jumystarynyń barysyn baqylady. Iasaýı kóshesiniń boıyndaǵy jelilik saıabaq qurylysymen tanysyp, merdigerlermen kezdesti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jalpy aýdany 11 gektardy quraıtyn demalys aımaǵy qurylysynyń birinshi kezeńi qarasha aıyna deıin aıaqtalmaq. Saıabaqqa talaptarǵa saı jańa oryndyqtar, dıodty shamdar ornatylady. Kóshetter, gúlder otyrǵyzylyp, kógaldandyrylyp, abattandyrylýda.

Túrkistan qalasyn kógaldandyrý aıasynda jasyl aýmaq ulǵaıyp, sýarý júıesi jetildirilýde. Bul baǵytta atqarylǵan ister barysymen tanysqan oblys ákimi jaýapty basshylardyń jumysyna kóńili tolmaıtynyn aıtty. Jaıbasarlyqtan jumystyń ońbaıtynyn aıtyp, kózboıaýshylyqqa barǵandardy qatań synǵa aldy.

– Bul jerge men bolmasam kelmeısińder. Ótkendegi bolǵan nárse, áli de sol kúıi tur. Eshqandaı alǵa basý joq. Men keledi degende 5-6 adam shaqyryp alyp, kózboıaýshylyq jasaısyzdar. Bulaı bolmaıdy, – dedi oblys ákimi.