Jaqynda «Bolashaq dáristeri» respýblikalyq naýqany taǵy da jalǵasyn tapty. Bolashaq baǵdarlamasynyń túlegi, shet elge brend shyǵarǵan alǵash Qazaqstandyq kompaniia - «Red Dragon» jyldam taǵam jelileriniń negizin qalaýshy, "Men almatylyqpyn" qaýymdastyǵynyń kóshbasshysy Konstantin Avershin Almaty menedjment Ýniversiteti stýdentterine «Qarapaiym Bolashaq túleginiń ómirderegi» atty dáris ótkizdi.
Atalmysh shara «Bolashaq» qaýymdastyǵy uiymdastyrýmen Almaty menedjment Ýniversitetiniń kásipkerlikti jáne innovatsiiany damytý ortalyǵy jáne «ForteBank» aktsionerlik qoǵamynyń qoldaýymen ótti.
«Bolashaq dáristeri» respýblikalyq aktsiiasy – bul óz mamandyqtarynyń ozyq ókilderiniń – ár túrli salalardyń jetekshi basqarýshylarynyń, iri kompaniialar top-menedjerleriniń, qazaqstandyq joǵary oqý oryndarynyń stýdentterine arnalǵan «Bolashaq» Qaýymdastyǵy músheleriniń dáristeri.
Dáristerdiń formaty: spikerdiń akademiialyq dárisi, onyń jeke «jetistikteri tarihy» sonymen birge «suraq-jaýap» printsipi boiynsha dialog platformasy. Dáristerdiń biregeiligi stýdentter kásipqoiǵa tikelei suraq qoiýdan jáne olardy qyzyqtyratyn suraqtarǵa jaýap alýdan turady.
Spikerler kózdeitin basty ideia – stýdentterdi kásibi qyzmette ozyq nátijelerge qol jetkizýge yntalandyrý, olardyń shyǵarmashylyq jáne oqý áleýetin ashý. Tabysty bolashaqshylar ózderiniń mysalynda óz isiniń kásipqoiy qalai bolatyny týraly aityp jáne kórsetip beredi.
Dáris barysynda stýdentter spikerge óz oilaryn ashyq aityp, kásipkerlik salasynda oilaryn talqylady, osylaisha Konstantin Avershin óziniń ómirlik tájiribesin jastarmen bólisti.
