Ár nársege soqtyǵysyp, ataq jasaýdan ári aspaǵan jartylaı akter, jartylaı saıasatker Berdońǵarov bylaı depti:
— Álgi vıdeoǵa túsip qalǵan qyz Oǵyz Doǵandy sotqa berse bolady. Óıtkeni onyń vıdeosyn taratýǵa ózinen ruqsat suraǵan joq. Múmkin halyqqa qyzmet kórsetý ortalyǵy nemese basqa bir memlekettik organda bolsa, túsirýge qaqysy bar edi. Biraq bankte bolmaıdy, — dep Berdońǵarov "birdeńe" depti.
Tipti, ol "Konstıtýsıanyń 18-babyna sáıkes, ár adamnyń jeke ómirge quqyǵy bar, oǵan qol suǵýǵa bolmaıdy" dep áńgime aıtty.
Shamasy Táńirbergen bank qyzmetkerlerinen qazaq tilinde sóıleýdi talap ketken Oǵyz Doǵan olardyń jeke basyna qatysty lám-lım dep sóz qozǵamaǵanyn túsinbese kerek. Qazaq tilin jetik bilmeıtin Berdońǵarov Oǵyz Doǵannyń ne degenin qaıdan bilsin?
Ol qazaq tiliniń kósegesi kógersin deýdiń orynyna ana tiliniń soıylyn soqqan Oǵyz Doǵandy "sotqa berińder" dep aqyl aıtýynan onyń qazaq tili úshin qylshyǵyda qısaımatynyn bilip, jaǵamyzdy ustadyq.
Kezinde jýrnalıs Rafael Balgın JOO-da sabaq berip júrgende bir erketotaıdyń qyzdy tártipke shaqyryp qattyraq sóılegende araǵa Berdońǵarov túsip (ádettegideı), qoqan-loqy kórsetkende jýrnalıs onyń betinen túkirip ketkeni esimizde.
Berdońǵarovtyń myna áńgimesinen keıin onyń betine túkirýshilerdiń qatary kóbeımese, azaımasy anyq. Táńirjanǵa daý basylǵansha kóshege shyqpaýǵa keńes beremiz. "Beıtanys bireý betime túkirdi" dep shaǵym jazýdan qolyńyz bosamaı qalýy múmkin.
Aıtpaqshy Berdońǵarov óziniń túsiniktemesinde " Qazkom básekege qabiletti bank bolý úshin qazaqtildi mamandardy tartqany lázim. Olar eki tilde de bilikti jaýap berýi tıis. Kameradan qashpańyzdar" dep aqyl da aıtypty.
Berdońǵarov ıi qanǵan qaıstaı bylq-sylq etip áńgime aıtqanda árkimge "qatyn seniki de durys" dep tórelik aıtqan Qojanasyr ápendeniń áńgimesi eriksiz esimizge oraldy.
Nurlan JUMAHAN
https://www.youtube.com/watch?time_continue=3&v=vDZGJM4aU6U
https://dalanews.kz/35650
