Qazaqstanda quny $1,35 mlrd bolatyn, ammiak pen karbamid óndiretin zaýyt qurylysy bastalady, – dep habarlaidy Dalanews.kz.
Premer-ministr Oljas Bektenov tiisti qaýlyǵa qol qoidy. Biylǵy 4 naýryzda ESTA Construction kompaniiasynyń basshylyǵymen kezdesý barysynda premer-ministr jaýapty ministrlikterge eki apta ishinde tyńaitqyshtar shyǵaratyn zaýyt salý úshin investitsiialar týraly kelisimge qol qoiýǵa daiyndaýdy tapsyrdy.
Jobany QazaqGaz jáne ESTA birlesken kásiporny — «Qazesta Fertilizers LTD» kompaniiasy bazasynda iske asyrý josparlanyp otyr. Zaýyttyń orny retinde Mańǵystaý oblysy tańdaldy, bul ónimderdi Kaspii teńizi arqyly eksporttaýǵa ońtaily jaǵdailardy qamtamasyz etedi. Esta Construction álemdegi eń úzdik 100 qurylys kompaniiasynyń qataryna kiredi.
Jobanyń quny: $1,35 mlrd. Qurylysty úsh jarym jylda aiaqtaý josparlanyp otyr. Iske asyrý kezeńinde 3 myńǵa deiin adam tartylyp, qurylys aiaqtalǵannan keiin 400 turaqty jumys orny ashylady.
Zaýyttyń óndiristik qýaty jylyna 700 myń tonnaǵa deiin karbamidke jáne 42 myń tonna ammiakqa jetedi.
Joba gaz himiiasy salasyn damytýǵa, sondai-aq, importty almastyrýǵa jáne qosylǵan quny joǵary ónimderdi daiyndaýǵa baǵyttalǵan.
Qazir Qazaqstanda tyńaitqyshtardyń úsh túrin óndirý jolǵa qoiylǵan: ammiak selitrasy, ammofos jáne ammonii sýlfaty. 3,2 mln tonna ǵylymi qajettilik kezinde otandyq qýattar suranystyń jartysyna jýyǵyn ǵana qamtamasyz etedi.
Karbamid óndirisin qurý jónindegi jobany iske asyrý importqa táýeldilikti azaitýǵa jáne elimizdiń azyq-túlik qaýipsizdigin nyǵaitýǵa múmkindik beredi. Sondai-aq, aýyl sharýashylyǵynyń damýyna oń áser etedi.
