Baian kúieýin keshirdi
"Baian kúieýin keshirdi, óte durys sheshim jasady dep oilaimyn. Bundai sheshimdi kez-kelgen əiel qabyldai almaidy. Bilemiz, Baianǵa ońai bolmady, biraq ol balalardyń taǵdyryn oilady. Batyl sheshim", - dedi ol.
Advokattyń aitýynsha, Baian Maqsatqyzy óziniń burynǵy kúieýin bas bostandyǵynan aiyrmaýdy suraǵan.
Aiyptalýshynyń týǵan bajasy bolyp tabylatyn Marat Asqarbekov jalpy Baqytbek Esentaevtyń jaqsy azamat ekenin de atap ótti. Marat Asqarbekov - Baiannyń ápkesi Bátestiń jubaiy, tanymal aktrisa, ánshi Asha Mataidyń ákesi.
Búgingi sot protsesine Baian Maqsatqyzynyń ózi qatysqan joq.
Sot erteń de jalǵasady. Esterińizge salsaq, Almaty oblysynyń qylmystyq ister jónindegi mamandandyrylǵan aýdanaralyq sotynda Baqytbek Esentaevqa qatysty sot protsesi keshe, 18 qazan kúni bastalyp, búgin jalǵasyn tapty. Isti qaraý jabyq rejimde ótip jatyr. Ony Almaty oblysynyń qylmystyq ister jónindegi mamandandyrylǵan aýdanaralyq sotynyń tóraǵasy Baijúnisov Berikjan Əbenuly júrgizýde.
B. Esentaevqa QR QK-niń 24-baby 3-bólimi, 99-babynyń 2-bólimi 10-tarmaǵy (zorlaýmen nemese seksýaldyq sipattaǵy zorlyq-zombylyq áreketterimen ushtasqan adam óltirýge oqtalý) 120-babynyń 1-bólimi (zorlaý) 121-babynyń 1-bólimi (seksýaldyq sipattaǵy zorlyq-zombylyq áreketteri) boiynsha aiyp taǵylǵan.
Belgili prodiýser, eki balanyń anasy Baian Maqsatqyzy maýsymnyń 10 kúni birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa túsken bolatyn. Ony óltirmek boldy degen kúdikpen óziniń kúieýi Baqytbek Esentaev ustalyp, qamaýǵa alyndy. Sondai-aq qazirgi tańda Baian burynǵy tegine qaita oralǵan syńaily. Ol áleýmettik jelidegi paraqshalaryna Baian Maqsatqyzy degen ózgeris engizgen.
