Baýyrjan Baibek Prezidentke atqarǵan jumysy jaiynda esep berdi
Nursultan Nazarbaev qala turǵyndarynyń ál-aýqatyn arttyrý úshin tiisti sharalar qabyldaý, jańa jumys oryndaryn ashý, qurylys jumystary men áleýmettik mańyzdy nysandardy ashý isin kestege sáikes júrgizý qajettigine nazar aýdardy.
Sonymen qatar, Elbasy Qazaqstan Táýelsizdiginiń 25 jyldyǵyn merekeleý jónindegi is-sharalarǵa sapaly daiyndalyp, ótkizýdiń mańyzdylyǵyn atap ótti.
– Almaty – elimizdegi eń iri qala. Respýblika boiynsha atqarylatyn barlyq jumys onyń damýyna áser etedi ári turǵyndaryna kórinip turady. Biyl qalanyń 1000 jyldyǵy merekelenedi, kelesi jyly – Qysqy Ýniversiada-2017 ótkiziledi. Bular – iri memlekettik is-sharalar. Olardy iske asyrý úshin orasan jumys atqarý qajet. Sondai-aq qalanyń kúzgi-qysqy kezeńine daiyndyqty búginnen bastaý kerek. Ótken kezdesýde men birqatar tapsyrma bergen bolatynmyn, olardyń múltiksiz oryndalýyn baqylaý qajet, – dedi Memleket basshysy.
B.Baibek Nursultan Nazarbaevtyń buǵan deiin berilgen tapsyrmalarynyń oryndalý barysy týraly baiandady.
– Qazirgi kezde qaita qarjylandyrylǵan ipotekalyq qaryzdar kólemi 45%-ke ósti. Memlekettik baǵdarlamalardy iske asyrý aiasynda 15 myń jańa jumys ornyn ashýǵa qarajat bólindi. Budan bólek, memleket-jekemenshik seriktestigin damytý jóninde biznespen tyǵyz jumys júrgizilýde. Búginde jalpy quny 40 mlrd teńgeni quraityn memorandýmdarǵa qol qoiyldy. Sonyń aiasynda birneshe áleýmettik nysandar ashý josparlanyp otyr, – dedi Almaty qalasynyń ákimi.
