Jıynda el Úkimetiniń Daǵdarysqa qarsy is-sharalar josparyn óńirde júzege asyrýdyń negizgi baǵyttary aıqyndaldy, - dep habarlaıdy Almaty oblysy ákiminiń baspasóz qyzmeti.
Amandyq Batalov jıynda daǵdarysqa qarsy sharalar qabyldaý men olardy júzege asyrýdy Elbasy men Prezıdent óz baqylaýlaryna alǵanyn atap ótti. Úkimette arnaıy shtab qurylyp, onyń is-sharalar jospary ázirlengenin aıtty.
Soǵan oraı oraı oblysta da osyndaı shtab jumys isteıtin bolady. Jáne Amandyq Batalovtyń tapsyrmasymen aldaǵy eki kúnde onyń is-jospary aıqyndalmaq.
Shtab jumysyn oblys ákimi Amandyq Batalov basqarady. Jumys tobynyń quramyna oblys ákiminiń orynbasarlary, oblystyq basqarma, departament basshylary, aýdan, qala ákimderi, «Jetisý» ÁKK basshylyǵy jáne t.b. engizildi.
Oblys ákimi óz sózinde osy baǵyttaǵy basty sharalar retinde áleýmettik mańyzy bar azyq-túlik baǵasynyń ósýine jol bermeý úshin Turaqtandyrý qorynyń jumysyn jandandyrý, taýarlar, qyzmetter, tarıfter men komýnaldyq qyzmetter baǵasyn baqylaý, eńbek naryǵynda turaqtylyqty saqtaý jáne jaǵdaıdy monıtorıńilep otyrý, «Eńbek» baǵdarlamasy boıynsha aýyl turǵyndaryna nesıe berýdi jalǵastyrý, eńbek qatynastaryn qorǵaý maqsatynda orta jáne iri kásiporyndarmen memorandýmdarǵa otyrý, jalaqy qaryzdaryn boldyrmaý kerektigin qatań eskertti.
Sol sıaqty kóktemgi dala jumystaryn ýaqytyly bastaýdy, azyq-túlik qaýipsizdigin, naryqty aýyl sharýashylyǵy ónimderiniń qajetti kólemimen qamtamasyz etýdi de basty nazarda ustaýy kerektigin tapsyrdy.
Óz kezeginde «Damý» qorymen birlesip shaǵyn jáne orta bıznes sýbektilerine nesıe berýdi qosymsha qarjylandyrý jaıyn da qarastyrǵan jón.
Oblystaǵy iri kásiporyndar óz jaǵdaılarynyń damýyna qatysty boljamdy nusqalar jasaýy tıis. Qazaqstandyq mazmundy ulǵaıtýǵa erekshe kóńil bólinýi kerek.
Sonymen qatar A.Batalov ımıjdik sharalardy ótkizýge baǵyttalǵan shyǵyndardy jáne búdjettiń basymdyq berilmeıtin shyǵyndaryn qysqartý, kólik, jıhaz satyp alýdy toqtatý qajettigin de aıtty.
Oblys aýmaǵynda koronovırýs ınfeksıasynyń týyndaýy men taralýyna jol bermeýdi basty mintet retinde atap ótti.
- Memleket basshysy eń aldymen halyqtyń aldyndaǵy áleýmettik mindettemelerdiń oryndalýyn qamtamasyz etýdi qatań tapsyrdy. Oǵan bizde qarjy tolyq kólemde qarastyrylǵan. Qajet bolsa, mańyzdy emes shyǵyndardy qysqartý esebinen bul qarjy kólemin arttyra alamyz.
Bıylǵy jyly 46 myńnan astam jumys ornyn qurýdy josparlap otyrmyz.
Oǵan qosa biz eńbek naryǵynyń qajettiligin zerttep bilip otyrýymyz kerek, jáne soǵan qaraı kadrlardy qaıta oqytyp, jumysqa ornalastyrýǵa tıispiz. Oblysta júzege asyrylyp jatqan iri-iri jobalar bar, solarǵa qajetti mamandyqtardy aıqyndap, azamattardy turaqty jumys oryndarymen qamtýdy belsendi atqarýymyz kerek.
Dúrligýdiń qajeti joq, buryn qalaı jumys istesek, dál solaı jumys jasaımyz, tek qoǵamdyq-saıası turaqtylyqty baqylaý, baǵany monıtorıńileý sıaqty mańyzdy jumystardyń qarqynyn kúsheıtýimiz kerek. Bul oblysqa ǵana emes, barlyq aýdan, qalalarǵa da qatysty, - dedi A. Batalov.
