Aiymbetovtyń armany qansha turady?
Qujatqa Qazaqstan tarapynan «Qazǵarysh» tóraǵasy Talǵat Musabaev pen Reseidiń Federaldyq ǵarysh agenttigi basshysynyń ýaqytsha mindetin atqarýshy A.N. Ivanov qol qoiǵan. Kelisimshartta qazaq ǵaryshkeri A. Aiymbetovtiń ǵaryshqa ushý daiyndyǵy men ony júzege asyrý jáne ǵaryshkerdi ushyp kelgen soń ońaltý jónindegi qyzmetterdi kórsetý men jumystardy oryndaý barysy qarastyrylǵan.
Bizdi kelisimsharttyń quny qyzyqtyrdy. «Qazǵaryshtyń taratqan málimetinshe onyń quny 1,1 mlrd. rýbldi quraidy eken. Bul milliondaǵan dollar ekenin ishińiz sezip otyrǵan shyǵar. Óz kezeginde Talǵat Musabaev:
– Bul óte mańyzdy qujat, onda ǵaryshtyq ushyrylymnyń barlyq qyr-syry qarastyrylǵan. Negizgi bólimnen basqa, onyń taǵy 11 qosymshasy bar. Men qazaqstandyq jáne reseilik mamandarǵa rizamyn. Olar qysqa merzimde, iaǵni 2 jarym aidyń ishinde kelisimshartty daiyndap shyqty. Shyn máninde, osy baǵytta orasan zor jumystar júrgizildi, – dedi. Osylaisha Tákeń bir adamdy ǵaryshqa attandyryp (oilamaǵan jerden), «Qazǵarysh» mekemesi qyrýar jumys tyndyrǵandai keiip tanytty. Gazetimizdiń ótken sanynda daǵdarys alqymnan alǵan tusta A.Aiymbetovtyń qyrýar aqsha jumsap, ǵaryshqa ushýy orynsyz ekenin aitqan edik. Amal ne ambitsiiasy Alataýdai ǵaryshkerlerimiz alǵan betterinen qaitqan joq. Bul ushyrylymnan Qazaqstan ekonomikasy men ǵylymyna qandai paida bolatyn másele basy ashyq kúiinde qaldy.
"QmD" aqparat.
