Aýǵanstan biligi sheteldik kapital tartýdyń jańa tetigin bekitti. Endi investorlar elde 1 jyldan 10 jylǵa deiin turýǵa múmkindik beretin "altyn" yqtiiarhat ala alady, dep habarlaidy Dalanews.kz.
Sheshim ekonomikalyq komissiia otyrysynda qabyldandy. Jiyndy premer-ministrdiń orynbasary - ministr Abdýl Gani Baradar basqarǵan. Endi shetel azamattarynyń Aýǵanstanda turý quqyǵyn alýy úshin qansha kólemde investitsiia salýy kerek ekenin quzyrly organdar aiqyndaýǵa tiis.
Sarapshylardyń pikirinshe, bul qadam halyqaralyq oqshaýlaný jaǵdaiynda ekonomikany jandandyrýǵa baǵyttalǵan. Dúniejúzilik bank derekterine súiensek, keiingi jyldary el ekonomikasy belgili bir deńgeide óskenimen, syrtqy qarjylai kómek aitarlyqtai qysqarǵan. Iaǵni biýdjetke túsetin qarajat azaiyp, bilik endi jeke investitsiia arqyly qarjy tartýǵa múddeli.
Sheteldik biznesti qyzyqtyrý úshin Kabýl birqatar jeńildik usynbaq. Qurylysqa jer telimin berý, jabdyqtar men kólik ákelýge kedendik baj salyǵynan bosatý, sondai-aq, bes jylǵa deiin salyqtan bosatý qarastyrylǵan.
Degenmen qazirgi jaǵdaida bul elde turyp, biznes júrgizý úshin qomaqty qarajat salýǵa nietti investorlar sany qanshalyq bolatyny ázirge belgisiz.
