Atyraý oblystyq politsiia departamenti óńirde tabylǵan belgisiz nysanǵa qatysty tekserý júrgizip jatyr. Aldyn ala málimet boiynsha, bul ushqyshsyz ushý apparatynyń (dronnyń) bólshekteri bolýy múmkin, dep habarlaidy Dalanews.kz
Nysan eldi mekenderden tys aýmaqtan tabylǵan. Qazirgi ýaqytta oqiǵanyń barlyq mán-jaiy anyqtalýda. Tekserý jumystaryna arnaiy qyzmet ókilderi de tartylǵan.
Aita keteiik, bul shekaraǵa jaqyn óńirlerde tirkelgen alǵashqy jaǵdai emes. 26 naýryz kúni Batys Qazaqstan oblysy Aqjaiyq aýdanynda da dron synyqtary tabylǵan. Buǵan deiin aqpan jáne naýryz ailarynda atalǵan óńirde taǵy tórt apparattyń qulaǵany tirkelgen.
Qazaqstan Qorǵanys ministrligi málimetinshe, Batys Qazaqstan oblysynda tabylǵan ushqyshsyz apparattardyń basym bóligi Reseidiń 926-shy bas ushý-synaq ortalyǵy poligony aýmaǵynda qulaǵan. Atalǵan áýe keńistigin reseilik áskeri qurylymdar paidalanady.
