– Halyqaralyq balalardy qorǵaý kúni – erekshe qýanysh pen meiirimge toly shýaqty meiram.
Balanyń kúlkisi men baqytynan artyq eshteńe joq ekenin osy merekede bárimiz aiqyn sezinemiz.
Óskeleń urpaqtyń jan-jaqty damýyna qolaily jaǵdai jasaý – memleketimizdiń basty mindetiniń biri.
Biz zamanaýi mektepter men jaily balabaqshalar salyp, innovatsiialyq ortalyqtar, oqýshylar sarailaryn jáne sport keshenderin ashyp jatyrmyz. Úiirmeler men sektsiialar da uiymdastyrylǵan.
«Balalar jyly» aiasynda kóptegen jańa jobalar qolǵa alyndy. Árbir balanyń talabyn ushtap, darynyn ashýdy kózdeitin túrli is-sharalar júzege asyrylýda.
Memleket jyldan jylǵa bul baǵyttaǵy jumysty kúsheite túsedi. Óitkeni, jas urpaqtyń myqty azamat bolyp ósýi elimizdiń turaqty damýyna jáne baiandy bolashaǵyna jol ashady.
Jas qazaqstandyqtardy jáne barsha jurtty osy jarqyn merekemen quttyqtaimyn!
Sizderge zor densaýlyq, baq-bereke tileimin! – dedi Memleket basshysy.
