Altynbek Qorazbaev “Ninety one” tobyn jaqtap sóiledi
Birneshe kúnnen beri “Ninety one” tobyna qatysty janjal qaita jandana tústi. Topty el aǵalary dattap, túrli pikir bildirdi. Arasynda Baǵlan Ábdiraiymov sekildi ashyq shabýylǵa kóshkender de boldy. Ol óziniń instagram paraqshasy arqyly top jigitteriniń syrt kelbetterin ózgertpese, olardy uryp-soǵatyn jigitterdiń tabylatyndyǵyn jetkizgen-di.
“Erbolat jáne 91 toby! “Esiń barda elińdi tap” – degen maqaldy eske túsireiin. Ónerlerińe qarsy emespin. Túrlerińdi ózgertińder! Qazaqta namysy joǵary jigitter barshylyq. Boiaityn shash, taǵatyn qulaq tappai qalyp júrmeńder! Dostyq keńesim!” – deidi Baǵlan Ábdiraiymov. Budan ózge atalǵan topqa qatysty Sáken Maiǵaziev te pikir bildirgen bolatyn. Ol jigitterdiń talantyna bas ietindigin aityp, olardy maqtaǵan-dy. Dese de, olarmen kezdesip syrt kelbetterin ózgertýge aǵalyq keńesin bergenin de jasyrmady.
Endi mine atalǵan topqa qatysty Altynbek Qorazbaev óz pikirin bildirdi. Ol kerisinshe 91 tobyn jaqtaityndyǵyn aityp jatyr. Al sazgerdiń shákirtteri onyń bul áreketin túsinbegen-di.
“Syrǵa taqqanda turǵan ne bar? Kezinde bizdiń batyrlarymyz da syrǵa taqqan. Mineki, meniń oń qulaǵym tesilgen. Bala kúnimde týǵan ápkem meni uzaq jasasyn degen nietpen qulaǵymdy tesip, syrǵa taqqan eken. Sol syrǵany 4 synypqa deiin taǵyp júrdim. “Sen mynany qurt, mynany joq qylyp” dep buiyra sóilegen jaramaidy. Biz Eýropadan qalmaýymyz kerek. Aitsyn. Ómir ózen bolǵandyqtan, onyń aǵysynan qalyp qoimaý kerek”, – deidi Altynbek Qorazbaev Instalaiyq baǵdarlamasynda.
