Almatyda turǵyn úi kesheniniń aýlasynda 7 jasar bala kólik astyna tústi, dep habarlaidy Dalanews.kz.
Bul týraly qalalyq politsiia departamenti habarlady.
Oqiǵa 2025 jyldyń 11 mamyry kúni kúndiz bolǵan. Videodan eki balanyń aýlada oinap júrgenin kórýge bolady. Osy ýaqytta olardyń biri joldyń boiyna qarai júgirip bara jatady. Dál osy sátte kólik júrgizýshisi balaǵa qarai qatty jyldamdyqpen kelip, ony qaǵyp ketedi. Oqiǵa basqa balalardyń kóz aldynda boldy.
Úidiń terezesinen túsirilgen basqa bir videoda oqiǵa ornyna júgirip kelgen eresekterdiń balaǵa kómek kórsetýge tyrysyp jatqan sáti anyq kórinedi.
Almaty politsiia departamentiniń resmi ókili Saltanat Ázirbektiń málimetinshe, Changan markaly avtokóliktiń júrgizýshisi Shuǵyla yqshamaýdanyndaǵy aýla jolymen ońtústik baǵytta kele jatyp, shyǵys baǵytta joldy kesip ótpek bolǵan balany qaǵyp ketken.
Saldarynan bala dene jaraqatyn alyp, aýrýhanaǵa jatqyzyldy. Mamandar oqys oqiǵanyń mán-jaiyn anyqtap jatyr.
