Qalada aǵashtardy jappaı otyrǵyzý eldi mekenderdiń boıyna, negizinen Naýryzbaı men Alataý aýdandaryndaǵy Alǵabas, Shuǵyla jáne taǵy basqa turǵyn keshenderiniń aınalasyna otyrǵyzý kózdelinýde.
Sonymen qatar, magıstraldy kóshelerdiń – Rysqulov, Abaı, ál-Farabı dańǵyldarynyń, Tımırázev kóshesiniń boıyna otyrǵyzylady. Trotýarlardyń, bólý jolaqtarynyń boıyna. Aǵash joq jerlerge jáne magıstraldi kóshederdegi úńgileý jumystary aıaqtalǵan – Abaı dańǵyly, Alataý kóshesiniń boıyna.
Úı janyndaǵy aýlalardy kógaldandyrý úshin turǵyndarmen dástúrli «Jasyl aýla» aksıasy ótedi. Barlyǵy 300 myń aǵash otyrǵyzý josparlanýda. Aıta keterligi, kóktemde 64,5 myń aǵash otyrǵyzyldy.
Bıyl tamyr jaıýy tómen ári aýrýǵa beıim bolýyna baılanysty qala jóke aǵashy, sánaǵash, boz arshadan bas tartady. Aýdandastyrylǵan aǵashtarǵa basymdyq beriledi, onyń ishinde «Qazaqstan» teregi men qaraǵashqa.
Qalalyqtardyń suraqtaryna jaýap bere kelip, ákim «Jasyl Almaty» aksıasy aıasynda Sosnovyı borda 5,5 myń qaraǵaı otyrǵyzylǵanyn aıtty. «Tabıǵat» EYU qorynyń bastamashyl toby saıabaq aýmaǵyna 350 qaraǵaı men 500 alma aǵashyn otyrǵyzdy.
Jasyl jelekti kútý úshin skvajına jasaldy,sýarý júıesi tartyldy. Aǵashtardyń 80%-y avtomatty júıeniń arqasynda sýarylady.
«Jasyl Almaty» aksıasy aıasynda «Sosnovyı» skverinde, «Zapadnoe» zıratynyń boıyna, B. Momyshuly kóshesiniń boıyna 176 myńnan astam aǵash kóshetteri otyrǵyzyldy.
Qaraǵaı ormanǵa qarsy qaıyń toǵaıy otyrǵyzyldy, onda 2,5 myń aǵash bar. Arheologtarmen kelisim boıynsha Saq qorǵany aınalasyna 2 myńǵa jýyq aǵash otyrǵyzyldy. Boraldaı men Zerdeli shaǵyn aýdandarynda jańa saıabaqtar salynýda.
