Ánshi Almas Kishkenbaevqa qatysty sot sheshimi shyqty, dep habarlaidy Dalanews.kz.
Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty jabyq túrde Kishkenbaevqa qatysty ákimshilik quqyq buzýshylyq týraly isti qarady.
ÁQBtK-niń 434-babynyń 1-bóliginde qoǵamdyq tártip pen tynyshtyqty buzatyn jeke tulǵalarǵa zábirlep tiiskeni úshin jaýapkershilik qarastyrylǵan.
Sotpen Kishkenbaevtyń mas kúiinde bola tura, osyndai áreketterdi jasaǵany anyqtaldy.
Sotta Kishkenbaev oqiǵanyń mán-jaiy esinde joq ekenin túsindirdi.
434-baptyń 1-bóliginiń sanktsiiasy 20 AEK mólsherinde aiyppul salý nemese 5 kúnnen 15 táýlikke deiin ákimshilik qamaqqa alý túrindegi jaýapkershilikti qarastyrady.
Jaýaptylyqty jeńildetetin mán-jailar anyqtalǵan joq
Sonymen qatar, jaýaptylyqty aýyrlatatyn mán-jai mas kúiinde quqyq buzýshylyq jasaý bolyp anyqtaldy.
Joǵaryda aitylǵandardyń negizinde Kishkenbaevqa ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 15 táýlikke qamaýǵa alý jazasy taǵaiyndaldy.
Sot qaýlysy zańdy kúshine engen joq.
