Qazaqtelekom kompaniiasynda 123 mlrd teńge kóleminde qarjy tapshylyǵy anyqtaldy, dep habarlaidy dalanews.kz.
Bul týraly Nege.Aqsha telegram arnasy jazdy. EY aýditorlyq kompaniiasy teksergen qarjylyq esepke sáikes, ulttyq operatordyń jaqyn ýaqytta óteýi tiis qaryzdary qoldaǵy ainalym qarajatynan 123 mlrd teńgege asyp ketken.
“Alaida kompaniia basshylyǵy alańdaýǵa negiz joq ekenin aityp otyr. Olardyń málimetinshe, aldaǵy bir jylǵa arnalǵan qarjylyq jospar aldyn ala jasalǵan. Onda túsetin tabys kólemi, shyǵyndar, qaryzdardy jabý múmkindigi jáne qosymsha qarjy tartý joldary túgel esepke alynǵan”, - deidi derekkóz.
Sondai-aq qajet bolǵan jaǵdaida kompaniianyń negizgi aktsioneri – Samuryq-Qazyna “Qazaqtelekomǵa” 120 mlrd teńgege deiin qarjylai qoldaý kórsetýge daiyn ekeni aitylǵan.
Budan bólek, kompaniianyń bankterden qosymsha qarajat tartýǵa múmkindigi bar. Qazir “Qazaqtelekom” qajet bolǵan jaǵdaida taǵy 224,6 mlrd teńgege deiin nesie ala alady.
