Қарағанды облысындағы ГРЭС-ке 55 млн теңге айыппұл салынды, деп хабарлайды Dalanews.kz.
Қоршаған ортаны қорғау талаптарын бұзғаны үшін «ГРЭС Топар» ЖШС-не 55 миллион теңге көлемінде айыппұл салынды.
Бұл туралы өңірлік табиғат қорғау прокуратурасының баспасөз қызметі хабарлады.
Экологиялық жағдайға жүргізілген мониторинг барысында кәсіпорын тарапынан күл үйінділерінің бөліктерін кезең-кезеңімен құрғату және суару кезінде экологиялық талаптардың сақталмауы салдарынан ауаға шаң тарағаны анықталған.
Тексеру қорытындысы бойынша аталған станцияға 55 миллион теңге көлемінде айыппұл салынды.
