Сыртқы істер министрлігі Польша аумағында Қазақстан азаматы Екатерина Шилова қаза тапқаны туралы ақпаратты растады, деп хабарлайды Dalanews.kz.
"Қаза тапқан азаматтың туған-туыстары мен жақындарына шын жүректен көңіл айтамыз. Қазақстан Республикасының Польшадағы елшілігі марқұмның туған-туыстарымен, сондай-ақ, Польша тарапының құзыретті органдарымен байланыста және консулдық-құқықтық мәселелер бойынша, соның ішінде мәйітті Отанына репатриациялауда көмектесіп жатыр", - деп жазылған министрлік хабарламасында.
Еске салайық, бұған дейін Қазақстан азаматы Екатерина Шилова Варшавада өлі табылғаны хабарланды. Алдын ала мәліметке сәйкес әйел адам кісі қолынан қаза тапқан.
