Мұратхан Тоқмәдиге қатысты тың дерек шықты, - деп хабарлайды Dalanews.kz.

Orda.kz мәліметінше, Тоқмәди әзірге колонияда жазасын өтеп жатыр. 

Бұған дейін Ержан Тәтішевті өлтірді деп сотталған Мұратхан Тоқмәдиге қатысты сот оның мерзімінен бұрын шартты түрде босату туралы өтінішін қанағаттандырған болатын. Бұл шешім 26 шілдеде шыққан. Соттың шешімі 15 жұмыс күнінің ішінде заңды күшіне еніп, Тоқмәди 10 тамызда бостандыққа шығуы керек болған. Алайда зардап шеккен тарап іске араласа бастаған. Тәтішевтің отбасы Тоқмәдидің мерзімінен бұрын шығуына қарсы болған. Олардың адвокаты Тәтішевтің отбасы Мұратхан Тоқмәди мерзімінен бұрын шығатыны туралы бейхабар болғанын айтқан. Сондықтан Қонаев сотының шешімін Алматы облысының апелляциялық коллегиясы қайтадан қарастыратыны белгілі болды. 

Басылым мәліметінше, Мұратхан Тоқмәдидің қорғаушылары Қонаев сотының шешімі заңды және оны қайтадан қарастырудың қажеті жоқ деп санайды. Олардың сөзінше, Тәтішевтің отбасы Тоқмәдидің мерзімінен бұрын босауына қатысты бұған дейін болған екі сот отырысына да қатыспаған. Адвокаттар Мұратхан Тоқмәди Қылмыстық кодекстің 72-бабындағы барлық талапты орындағандықтан 2022 жылы бостандыққа шығуы керек болғанын айтады. Яғни Тоқмәди заңда белгіленген жаза мерзімін өтеген, тәртіптік жазасы жоқ және жәбірленуші тарапқа ештеңе қарыз емес. 

Еске салайық, Ержан Тәтішев 2004 жылы басына тиген оқтан көз жұмды. Тергеу банкир аңшылық кезіндегі "оқыс жағдайдың" салдарынан өлді деген қорытындыға келген.

Кәсіпкер Мұратхан Тоқмәдиге "Абайсызда өлімге әкеп соқтыру" бабы бойынша айып тағылды. Сот оны бір жылға бас бостандығын шектеу жазасына кесті.

2017 жылы іс қайта қаралды, Тоқмәди банкирді өлтіргенін мойындады. Іс материалына сәйкес, ол марқұмды Мұхтар Әбілязовтың қысымымен өлтірген.

2018 жылдың наурыз айында Тоқмәди 10,5 жылға бас бостандығынан айырылды.

2004 жылы банкир 2007 жылы Тәтішевтің абайсызда қаза тапқаны үшін рақымшылық жасау жазасынан босатыла отырып, бір жылға бас бостандығынан айырылған еді.

2017 жылы сот Тоқмәдиді бопсалау және қаруды заңсыз сатып алу, беру, өткізу, сақтау, тасымалдау немесе алып жүргені үшін кінәлі деп тауып, үш жылға бас бостандығынан айырды.

2018 жылдың наурыз айында Ержан Тәтішевті өлтіргені үшін Мұратхан Тоқмәди он жарым жылға сотталды.