Сейсмологтар Алматыдан 195 шақырым жерде жер сілкінісін тіркеді, деп хабарлайды Dalanews.kz
Ұлттық деректер орталығының мәліметінше, 14 қазанда Астана уақытымен 12:17-де Қырғызстан аумағында магнитудасы 4,0 балдық жер сілкінісі болған.
Еуропа-Жерорта теңізі сейсмологиялық орталығының (EMSC) мәліметіне сүйенсек, жер асты дүмпуінің эпицентрі Бішкектен оңтүстік-шығысқа қарай 24 шақырымда, ал Алматыдан шамамен 195 шақырым қашықтықта орналасқан.
Қырғызстанның Сейсмология институты елді мекендерде жер сілкінісінің күші шамамен 2,5 балл деңгейінде сезілгенін хабарлады.
