Astanada Jalpyulttyq sotsial-demokratiialyq partiianyń (JSDP) kezekten tys XXV sezi ótti, dep habarlaidy dalanews.kz.
partiianyń (JSDP) kezekten tys XXV sezi ótti. Jiynda partiia delegattary aldaǵy Quryltai sailaýyna arnalǵan sailaýaldy baǵdarlamany qabyldap, sailaýǵa qatysatyn partiialyq kandidattar tizimin bekitti.
Sezd barysynda JSDP tóraǵasy Ashat Rahimjanov partiianyń jańa sailaýaldy baǵdarlamasyn tanystyrdy. «Progreske bastar 20 shyń» dep atalǵan qujat eldiń áleýmettik-ekonomikalyq jáne saiasi damýyna qatysty negizgi basymdyqtardy qamtidy.
Baǵdarlama tórt negizgi baǵyttan turady. Atap aitqanda, ádiletti memleket qalyptastyrý, adam múddesine qyzmet etetin ekonomikany damytý, azamattardyń ómir súrý sapasyn arttyrý jáne Qazaqstandy tsifrlyq dáýirdiń talaptaryna beiimdeý máselelerine basymdyq berilgen. Sonymen qatar qujatta memlekettik basqarý júiesin jetildirý, kásipkerlikti qoldaý, óńirlerdi damytý, bilim berý men densaýlyq saqtaý salalaryn jańǵyrtý, áleýmettik qorǵaýdy kúsheitý, ekologiialyq qaýipsizdik pen tsifrlandyrý baǵytyndaǵy bastamalar kórinis tapqan.
Partiia tóraǵasy baǵdarlamanyń basty maqsaty – qoǵamdaǵy áleýmettik ádilettilikti qamtamasyz etý, halyqtyń ál-aýqatyn arttyrý jáne ekonomikanyń turaqty ósimine jaǵdai jasaý ekenin aitty. Onyń sózinshe, qujatta usynylǵan bastamalar azamattardyń kúndelikti ómirindegi naqty máselelerdi sheshýge baǵyttalǵan.
Sezd qorytyndysy boiynsha delegattar Quryltai sailaýyna qatysatyn 33 kandidattan turatyn partiialyq tizimdi bekitti. Onyń quramyna partiianyń ortalyq apparaty men óńirlik filialdarynyń ókilderi, VIII sailanǵan Májilistiń tórt depýtaty, qoǵamdyq belsendiler, jastar jáne áielder qanatynyń músheleri engizildi. Kandidattardyń 10-y – áielder.
Partiia basshylyǵynyń málimetinshe, tizim óńirlik ókildik, kásibi tájiribe jáne genderlik teńgerim qaǵidattaryn eskere otyryp jasaqtalǵan. JSDP bul quram qoǵamnyń túrli áleýmettik toptarynyń múddesin bildirýge múmkindik beredi dep esepteidi.
Sezd barysynda delegattar partiianyń jańartylǵan saiasi keńesiniń quramyn da bekitti. Onyń quramyna 26 adam endi.
Jiyn sońynda Ashat Rahimjanov JSDP aldaǵy Quryltai sailaýynda eleýli nátijege qol jetkizýdi maqsat etip otyrǵanyn málimdedi. Onyń aitýynsha, partiia sailaý qorytyndysy boiynsha keminde 10 paiyz daýys jinaýǵa nietti. Sonymen qatar ol JSDP basqa partiialardyń ókilderin nemese tanymal birmandatty kandidattardy óz qataryna tartýdy josparlamaitynyn, partiianyń óz kadrlaryna senim artatynyn jetkizdi.
Osylaisha, JSDP kezekten tys XXV sezinde aldaǵy sailaý naýqanyna arnalǵan negizgi saiasi qujattaryn bekitip, Quryltai sailaýyna qatysatyn kandidattar quramyn resmi túrde jariialady.
