Áleýmettik jelide Qazaqstan azamattyǵyn alǵan reseiliktiń jazbalary qyzý talqylanyp jatyr. Jeli qoldanýshylary shkuratov_danil atty paraqsha jariialaǵan pikirlerge narazylyq bildirgen, dep habarlaidy dalanews.kz.
Ol qazaq tilin "jergilikti til" dep ataǵan. Sonymen qatar, ol qazaq tilinde sóileitin adamdarǵa qatysty balaǵat sózder qoldanǵan.
Onyń bul pikirleri áleýmettik jeli qoldanýshylarynyń synyna ushyrady. Keibiri Qazaqstannyń quqyq qorǵaý organdaryn belgilep, onyń áreketine quqyqtyq baǵa berýdi suraǵan.
"Bul adam ultaralyq arazdyqty qozdyryp, qazaq tilin qurmettemeidi. Jaýapkershilikke tartýdy suraimyn", - dedi jelidegilerdiń biri.
Taǵy bir jeli qoldanýshysy onyń Qazaqstan azamattyǵyn qalai alǵanyna qatysty suraq qoiyp, elden shyǵarýdy usynǵan. Keibir pikirlerde "azamattyń áreketine zań aiasynda baǵa berilýi kerek" degen talap aitylǵan.
Ázirge onyń Qazaqstan azamattyǵyn qashan jáne qandai negizde alǵany, sondai-aq, onyń jazbalaryna ýákiletti organdar qandai shara qabyldaǵany týraly resmi aqparat joq.
