2026 jylǵy 7 qyrkúiekten bastap qazaqstandyqtar mindetti zeinetaqy jinaqtarynyń 100%-yna deiingi bóligin jeke investitsiialyq portfeldi basqarýshy kompaniialarǵa senip tapsyra alady. Qazir qoldanystaǵy shekteý boiynsha bul kórsetkish 50%-dan aspaidy, dep habarlaidy dalanews.kz.
BJZQ málimetinshe, jańa tártip mindetti jáne mindetti kásiptik zeinetaqy jarnalary esebinen jinalǵan qarajatty eń tómengi jetkiliktilik shegine bailanystyrmai-aq tolyq kólemde basqarýshy kompaniialarǵa aýdarýǵa múmkindik beredi. Al erikti zeinetaqy jinaqtaryn tolyq kólemde berý múmkindigi buǵan deiin de bolǵan.
Ótinish berý joldary:
- BJZQ-nyń jeke kabineti arqyly ETsQ kómegimen onlain;
- Qordyń kez kelgen bólimshesine baryp rásimdeý.
- Qazirgi ýaqytta zeinetaqy aktivterin basqarýǵa alty kompaniiaǵa ruqsat berilgen:
- Alatau City Invest;
- BCC Invest;
- Halyk Finance;
- «Sentras Sekiýritiz»;
- Tansar Capital;
- Halyk Global Markets.
Aita keteiik, Halyk Global Markets kompaniiasy 2027 jyldan bastap kelisimshartyn toqtatady jáne jańa ótinimderdi qabyldamaidy. Salymshylar basqarýshy kompaniialardyń tabystylyǵyn, investitsiialyq portfel qurylymyn arnaiy invest.enpf.kz platformasynda salystyryp, ótinish bere alady.
Eger qandai da bir jeke basqarýshy kompaniia qarjy retteýshisiniń tiziliminen shyǵarylsa, salymshylardyń qarajaty avtomatty túrde Ulttyq banktiń basqarýyna qaitarylady. Al barlyq zeinetaqy shottarynyń esebin júrgizýdi burynǵydai BJZQ jalǵastyra beredi.
