Qostanai óńirinde shikizatty tereń óńdeý kólemin arttyrýǵa, jańa mashina jasaý óndiristerin iske qosýǵa jaqsy múmkindikter bar. "Ádilet" elde ádil naryqty ári qarai da qamtamasyz etip otyrýǵa kúsh salsa, bul qoldan keletin sharýa. "Ádilet" partiiasynyń Respýblikalyq sailaýaldy shtaby Qostanai oblysynyń turǵyndarymen kezdesýde sóz bolǵan kóp salanyń biri osy boldy, dep habarlaidy dalanews.kz.
Jiynda sonymen qatar óńirdi damytý, sapaly jumys oryndaryn qurý, infraqurylymdy jańǵyrtý, bilim berý jáne tsifrlandyrý máseleleri talqylandy. Oblys turǵyndary partiianyń sailaýaldy baǵdarlamasynyń negizgi baǵyttaryn qoldaityndaryn bildirdi.
"Ádiletti bolashaq úshin" baǵdarlamasyn tanystyrǵan Quryltai depýtattyǵyna kandidattar onyń negizgi baǵyttary Prezident Qasym-Jomart Toqaevtyń strategiialyq baǵdaryna sáikes ekenine erekshe nazar aýdartty. Sondai-aq baǵdarlama jańa Konstitýtsiianyń negizgi qaǵidattaryn – azamattardyń quqyqtaryn nyǵaitý, ádilettilik, memlekettiń jaýapkershiligi jáne óńirlerdiń múmkindikterin keńeitý ustanymdaryn qamtidy.
Partiia ókilderi bul tek júrgizilip jatqan reformalardy qoldaýmen shektelmeitinin, sonymen qatar, olardy jergilikti jerlerdegi naqty sheshimder arqyly is júzinde jalǵastyrýdy kózdeitinin atap ótti. Sondyqtan kandidattar partiianyń usynylǵan bastamalar úshin jariia túrde jaýapkershilik alýǵa jáne olardyń júzege asýyna qol jetkizýge daiyn ekenin málimdep otyr.
Máselen, kandidat Marat Bashimovtiń sózinshe, baǵdarlama azamattardyń quqyqtaryn qorǵaýǵa baǵyttalǵan konstitýtsiialyq qaǵidatqa, sonyń ishinde eńbek etý quqyǵyna negizdelgen. Partiianyń naqty usynystarynyń biri – resmi jumysqa ornalasýdy jáne turaqty áleýmettik kepildikterdi qamtamasyz etetin 1 mln sapaly jumys ornyn qurý.
Baǵdarlamanyń negizgi qaǵidattarynyń biri – "Kúshti óńirler – qýatty el" ustanymy. Bul Prezidenttiń óńirler arasyndaǵy alshaqtyqty azaitý, aýmaqtardyń derbestigin keńeitý jáne azamattardyń ómir súrý sapasyn arttyrý baǵytymen úndesedi.
Osyǵan bailanysty kandidat Ekaterina Smyshliaeva biýdjetti ortalyqsyzdandyrýǵa qatysty usynystaryn tanystyrdy. Olar óńirlerge qosymsha basqarý ókilettikterin ǵana emes, salyq túsimderiniń bir bóligin de berýdi kózdeidi. Bul aýmaqtarǵa damý basymdyqtaryn óz betinshe aiqyndap, qolda bar resýrstardy tiimdirek basqarýǵa múmkindik beredi.
Jiynda kommýnaldyq jáne aýyldyq infraqurylym da talqydan tys qalmady. Partiia kommýnaldyq jelilerdi «Nátije úshin tarif» qaǵidasymen jańǵyrtýdy, gazdandyrýdy jalǵastyrýdy, turǵyndardy sapaly aýyz sýmen qamtamasyz etýdi jáne kólik infraqurylymyn jańǵyrtýdy usynady. Sonymen qatar, infraqurylymdy damytý óńirdiń ónerkásiptik jáne agrarlyq áleýetin nyǵaitýmen qatar júrgizilýi kerek.
Kandidat Andrei Lavrentevtiń aitýynsha, Qostanai oblysynda shikizatty tereń óńdeý kólemin arttyrýǵa, jańa mashina jasaý óndiristerin iske qosýǵa jáne uzaqmerzimdi ofteik-kelisimsharttar tájiribesin keńeitýge múmkindik bar. Tek ol úshin bizneske ádil naryq pen aldyn boljai alatyn jaǵdai jasaý kerek.
"Baǵdarlamanyń tiimdiliginiń basty ólshemi esepter emes, eńbek adamynyń ómirindegi naqty ózgerister bolýǵa tiis", - dedi ol.
Kezdesýdiń taǵy bir mańyzdy bóligi bilim berý jáne tsifrlandyrý máselelerine arnaldy. Kandidat Ashat Aimaǵambetov qala men aýyl mektepterindegi bilim sapasynyń alshaqtyǵyn azaitý qajet dep sanaidy. Qostanai oblysy úshin bul másele asa ózekti, óitkeni óńirdegi mektepterdiń 64 paiyzy – shaǵyn jinaqty mektepter.
Partiia aýyl mektepterin saqtap, damytýdy, kolledjderde dýaldy oqytýdy keńeitýdi jáne mamandar daiarlaý júiesin ekonomikanyń naqty qajettilikterimen tyǵyz bailanystyrýdy usynady.
Tsifrlandyrý salasynda baǵdarlama 5 mln azamatty tsifrlyq daǵdylarǵa oqytýdy, jasandy intellekt salasynda 100 myń maman daiarlaýdy, sondai-aq tsifrlyq ortada azamattardyń derbes derekterin zańnamalyq turǵydan qorǵaýdy kózdeidi.
Kezdesý qorytyndysy boiynsha qatysýshylar "Ádilet" partiiasynyń sailaýaldy baǵdarlamasynyń negizgi baǵyttaryn qoldaityndaryn bildirdi. Olardyń aitýynsha, partiia bastamalary Qostanai oblysynyń suranystaryna, Prezidenttiń saiasi jáne áleýmettik-ekonomikalyq jańǵyrtý baǵytyna, sondai-aq jańa Konstitýtsiianyń qaǵidalaryna sáikes keledi.
Jalpy, partiia usynǵan tásil ulttyq deńgeidegi reformalardyń óńirlerde naqty jalǵasyn tabýyna baǵyttalǵan. Bul infraqurylymdy damytý, jumys oryndaryn qurý, bilim sapasyn arttyrý, kásipkerlikti qoldaý jáne azamattardyń múmkindikterin keńeitý arqyly júzege asyrylmaq. Al sailaý ótkizý tártibi, kandidattardyń sailaýaldy materialdary jáne sailaý rásimderi týraly tolyq aqparatty Qazaqstan Respýblikasy Ortalyq sailaý komissiiasynyń resmi saitynan bilýge bolady.
