Tanymal ánshi Zattybek Kópbosynuly áleýmettik jelide keń taraǵan trendke qosylyp, áriptesi Dosymjan Tańatarovtyń án aityp turǵan videosyn jariialady, dep habarlaidy dalanews.kz.
Óner iesi beinejazbaǵa ázil aralas pikir qaldyrǵan.
"Júgirgen soń, osylai jandy daýysta án aitqyzyp júgirý kerek qoi!" – dep jazdy ol.
Bul trend Qazaqstannyń burynǵy prezidenti Nursultan Nazarbaevtyń jaǵajaida júgirip júrgen eski videosyna jasalǵan parodiialardan keiin tanymal boldy. Jeli qoldanýshylary sol kórinisti qaitalap, túrli ázil videolar túsirip júr.
Túpnusqa videonyń naqty qai jerde túsirilgeni kópshilikke belgisiz. Bloger Fevralev kadrdaǵy tabiǵi nysandar men jaǵalaý boiyndaǵy ǵimarattardy salystyryp, video Braziliianyń Rio-de-Janeiro qalasyndaǵy Kopakabana jaǵajaiynda túsirilgen bolýy múmkin degen boljam aitqan.
Bul pikir de jelide qyzý talqylandy. Keibir qoldanýshylar videony buryn Túrkiiada túsirilgen dep oilaǵanyn jazsa, endi biri jańa trendti dál qaitalaý úshin Braziliiaǵa barý kerek dep ázildegen.
