Halyqaralyq jastar kúnine orai Almaty oblysynyń ákimi Marat Sultanǵaziev Talǵar aýdanyndaǵy «SAN Tyres Kazakhstan» kompaniiasynyń logistikalyq ortalyǵyna baryp, ondaǵy múmkindiktermen tanysty. Kásiporyn eńbek jolyn endi bastaǵan jastarǵa qoldaý bildirip, jumyspen qamtyp otyr. Qazirgi tańda munda 170-ke jýyq adam eńbek etedi. Onyń jartysynan kóbi – jastar. Sondai-aq aldaǵy ýaqytta óńirdiń NEET sanatyndaǵy 100 azamatyn eńbekke tartýdy josparlaýda. Osyǵan orai búgin Almaty oblysynyń ákimdigi men atalmysh kompaniia arasynda ózara yntymaqtastyq týraly memorandýmǵa qol qoiyldy, dep habarlaidy dalanews.kz.
Júzdesý barysynda aimaq basshysy qatysýshylardy 12 tamyz – Halyqaralyq jastar kúnimen quttyqtady. Búginde Almaty oblysyndaǵy jastardyń sany 432 myńnan asady. Bul – óńir halqynyń 28%-y. Marat Eleýsizulynyń aitýynsha, sońǵy jyldary jastar saiasatyn ilgeriletýge erekshe kóńil bólingen. Onyń ishinde shalǵai aýyldardaǵy jas býyn da nazardan tys qalmaǵan. Atap aitqanda, sońǵy 3 jylda Kegen, Balqash, Raiymbek jáne Qarasai aýdandarynda jastar resýrstyq ortalyǵynyń jańa ǵimarattary paidalanýǵa berildi. Qonaev qalasynda zamanaýi kovorking-ortalyq ashyldy. Ile, Uiǵyr jáne Talǵar aýdandarynda jastarǵa arnalǵan kovorking keńistikter quryldy. Memleket basshysy belgilegen «Zań men tártip», «Taza Qazaqstan» qaǵidattary aiasyndaǵy jobalarǵa da erekshe kóńil bólinýde. Qazirgi tańda oblysta 3 myńnan astam belsendi erikti bar. Olar qaiyrymdylyq aktsiialaryna, ekologiialyq jumystarǵa, qoǵamdyq bastamalarǵa turaqty qatysyp keledi.
Marat Eleýsizuly óz sózinde «SAN Tyres Kazakhstan» kompaniiasy jas mamandardyń kásibi damýyna jan-jaqty jaǵdai jasap otyrǵanyn erekshe atap ótip, kásiporyn ujymyna alǵys aitty.
«Jastarǵa jaǵdai jasaý – bizdiń basty baǵyttarymyzdyń biri. Al kásipkerlerdiń jas mamandardyń áleýetin ashatyn bastamalarǵa qoldaý bildirýi – úlken áleýmettik jaýapkershilik. Biz mundai seriktestikti aldaǵy ýaqytta da nyǵaita túsýge múddelimiz. Sebebi jastardy jumyspen qamtý máselesin tek memlekettik baǵdarlamalar arqyly sheshý múmkin emes. Óndiris, biznes, bilim berý uiymdary jáne memlekettik organdar bir baǵytta jumys istegende ǵana naqty nátije bolady», – dedi aimaq basshysy.
«SAN Tyres» kompaniiasy Qazaqstan naryǵynda 20 jyl boiy tabysty jumys istep keledi. Jyl saiyn memleket biýdjetine 10 mlrd teńgeden astam salyq tóleidi. Talǵar aýdanynda ornalasqan «SAN Baiserke» logistikalyq qoimasy – TMD-daǵy eń iri keshen. Munda jylyna 3,5 millionǵa deiin shina qabyldap, saqtap jáne jóneltýge bolady. Iaǵni Almaty oblysynan elimizdiń túkpir-túkpirine, Orta Aziia elderi men alys-jaqyn shetelderge kólik dóńgelegi úzdiksiz jiberiledi.
Logistikalyq habtyń jalpy aýmaǵy – 23 gektar. Munda zamanaýi qoimalarmen qatar keńseler, dóńgelek aýystyrý jáne servis ortalyǵy bar. Qyzmetkerlerdiń áleýmettik jaǵdaiyna da erekshe kóńil bólingen. Qoimanyń janynda 200 oryndy jataqhana, ashana, demalys bólmeleri, kitaphana men sport alańy bar. Jumysshylardyń densaýlyǵy men jaily demalysy úshin 130 sotyq jerge saiabaq ta qarastyrylǵan. Bolashaqta qyzmetkerler men olardyń otbasyna arnalǵan SAN Village turǵyn úi kesheni salynyp, balabaqsha ashý kózdelip otyr.
«Almaty oblysynda buǵan deiin de jumys istegenbiz. Dál Talǵar aýdanynda alǵash ret iske kiristik. «SAN Tyres»-te 300-den astam adam eńbek etedi. 2028 jylǵa qarai olardyń sanyn 1000-nan asyramyz dep josparlap otyrmyz. Kompaniiamyz jastardan quralǵan. Elimizdiń kórkeiýi men damýy jas urpaqtyń qolynda. Sondyqtan olarǵa arnalǵan áleýmettik qoldaý sharalary kóp. Sonyń biri – «Meniń armanym» jobasy. Bul bastama boiynsha jastar óz armanyn jazyp, bizge joldaidy. Qazirge deiin 150-den astam jastyń armany oryndaldy», – deidi «SAN Tyres Kazakhstan» kásipornynyń basshysy Syrymbek Taý.
Shara barysynda kásiporynnyń úzdik qyzmetkerleri men óńirdiń órkendeýine úles qosyp júrgen jas mamandar marapattaldy. Sondai-aq olar oblys ákimimen jáne kompaniia basshysymen «Taza Qazaqstan» ekologiialyq baǵdarlamasy aiasynda kásiporyn aýmaǵyndaǵy saiabaqqa aǵash kóshetterin otyrǵyzdy. Osylaisha, aitýly kún qarsańynda jumysshy jastardyń eńbegi dáriptelip, aitýly kúnniń mán-mańyzy da aiqyndala tústi.
Aita keteiik, Halyqaralyq jastar kúni Almaty oblysynda keń aýqymda atalyp ótýde. Óńirdiń túkpir-túkpirinde jas býynnyń bastamalary men jetistikterin qoldap, ziiatkerlik áleýeti men ekologiialyq mádenietin arttyrýǵa arnalǵan 30-dan astam shara ótýde. Oǵan 20 myńǵa jýyq jas qatysýda. Sharalar legi tamyz aiynyń sońyna deiin jalǵasady.
