Atyraý oblysynda tórt adamdy óltirý isi boiynsha prokýror sottan aiyptalýshyny ómir boiyna bas bostandyǵynan aiyrýdy surady, dep habarlaidy dalanews.kz.
Atyraý oblysynyń qylmystyq ister jónindegi mamandandyrylǵan aýdanaralyq sotynda tórt adamdy óltirý isi boiynsha sot jaryssózi bastaldy.
Aiyptalýshy Sultan Sársemáliev burynǵy jubaiy Aqbaian Muqanǵalievanyń ata-anasyn, aǵasy men ápkesin óltirdi dep aiyptalyp otyr. Qaiǵyly oqiǵa Jangeldin aýylynda bolǵan.
Sot jaryssózi barysynda memlekettik aiyptaýshy sottan aiyptalýshyny birneshe bap boiynsha kináli dep tanyp, oǵan ómir boiyna bas bostandyǵynan aiyrý jazasyn taǵaiyndaýdy surady.
Prokýrordyń aitýynsha, Qylmystyq kodekstiń 58-baby 4-bóligine sáikes Sultan Sársemálievke túpkilikti jaza retinde ómir boiyna bas bostandyǵynan aiyrý jazasyn taǵaiyndaý usynylǵan.
