Atyraý oblysy Jangeldin aýylynda bir otbasynyń qazasyna bailanysty tergelip jatqan is boiynsha jańa málimet jariialandy. Tergeý derekterine sáikes, Sultan Sársemalievtiń áieli, marqumdardyń qyzy ári baýyry sanalatyn Aqbaian Muqanǵalievanyń adam óltirý deregine qatysy anyqtalmaǵan, dep dalanews.kz tilshisi kznews.kz saityna silteme jasap habarlaidy.
Atyraý oblysy prokýrorynyń kómekshisi Jandar Bolatbektiń aitýynsha, tergeý barysynda Muqanǵalievanyń kisi óltirý faktisine qatysy baryn dáleldeitin málimet tabylmaǵan.
"Óltirý faktisine qatysy bolmaǵandyqtan, oǵan qatysty qylmystyq qýdalaý toqtatyldy. Al qylmysty habarlamaý deregi boiynsha bólek is tirkeldi. Biraq ol boiynsha ázirge quqyqtyq baǵa berilgen joq. Aqbaian Muqanǵalievanyń áreketi kúdikti retinde saralanǵan joq. Oǵan qatysty bultartpaý sharasy qoldanylmady", – dedi Jandar Bolatbek.
Prokýror ókiliniń sózinshe, Almatyda Aqbaian Muqanǵalievanyń psihikalyq jaǵdaiyna qatysty saraptama júrgizilgen. Degenmen onyń qorytyndysy prokýratýraǵa áli kelip túspegen.
"Saraptama qorytyndysy daiyn boldy degen aqparat bar. Biraq biz ony áli alǵan joqpyz. Qorytyndy túskennen keiin zerdelenedi. Qajet bolǵan jaǵdaida qosymsha saraptama taǵaiyndalýy múmkin", – dedi oblys prokýrorynyń kómekshisi.
Osyǵan bailanysty Aqbaian Muqanǵalievanyń áreketine naqty quqyqtyq baǵa onyń psihikalyq jai-kúiine qatysty saraptama nátijesi tolyq qaralǵannan keiin beriledi.
