Sottalǵan blogerler Janábilovterden tárkilengen segiz Hyundai Elantra kóligi memlekettik organdardyń teńgerimine berildi, dep habarlaidy dalanews.kz.
E-Qazyna portalynda 7 shildede saǵat 10:00-de aýktsion ótti. Alaida ázirge tárkilengen kólikter naqty qai memlekettik organdarǵa berilgeni jariialanǵan joq.
Buǵan deiin Qarjy ministrliginiń Memlekettik múlik jáne jekeshelendirý komiteti memlekettik organdar kólikterge qyzyǵýshylyq tanytpaǵan jaǵdaida olar ashyq elektron aýktsionǵa shyǵarylatynyn málimdegen edi. Mundai jaǵdaida saýdaǵa kez kelgen azamat qatysa alady.
Alaida aýktsion ótkendikten, kólikter memlekettik organdarǵa berilgen.
Memlekettik organdar bul kólikterdi qandai baǵada satyp alǵany kórsetilmegen. Ár kóliktiń baǵalaý quny - 8 mln 395 myń teńge. Barlyǵy 2025 jyly shyqqan. Olar - qara, sur, kók, qyzyl, jasyl jáne aq tústi kólikter.
