Qazaqstan men Saýd Arabiiasy áýe qatynasyn júzege asyrý múmkindigin keńeitti, dep habarlaidy dalanews.kz.
26 tamyzda Er-Riiad qalasynda (Saýd Arabiiasy Koroldigi) Qazaqstan Úkimeti men Saýd Arabiiasy Koroldiginiń Úkimeti arasyndaǵy Áýe qatynasy týraly kelisimge qol qoiý rásimi ótti.
Qujatqa qol qoiý azamattyq aviatsiia salasyndaǵy qoldanystaǵy normativtik-quqyqtyq bazany nyǵaityp, eki el arasyndaǵy turaqty áýe qatynasyn odan ári damytýǵa qosymsha múmkindik ashqan.
Kelisim saýda-ekonomikalyq jáne iskerlik bailanystardy odan ári damytýǵa, investitsiialar tartýǵa, sondai-aq, týristik jáne mádeni yntymaqtastyqty nyǵaitýǵa yqpal etedi. Qol jetkizilgen ýaǵdalastyqtar aiasynda taraptar turaqty reisterdiń ruqsat etilgen sanyn aptasyna 28 reisten 70 reiske deiin ulǵaitty.
Tasymaldaýshylar Astana men Er-Riiad arasynda tikelei turaqty reister ashýdy, sondai-aq, Saýd Arabiiasynyń basqa qalalaryna oryndalatyn baǵyttar sanyn arttyrýdy josparlap otyr.
