Jambyl oblysynda 18 jastaǵy júkti qyz kúieýiniń qatygezdik kórsetkenin málimdedi. Onyń aitýynsha, er adam ony ziratqa alyp baryp, soqqyǵa jyǵyp, tunshyqtyrmaq bolǵan, dep habarlaidy dalanews.kz.
Jábirlenýshiniń sózinshe, oqiǵa kezinde onyń qaǵanaǵy jarylyp, tolǵaǵy bastalǵan. Soǵan qaramastan kúieýi ony bir saǵattan astam ýaqyt boiy jibermei ustaǵan.
Qyz jasyryn túrde qurbysyna habar berýge múmkindik taýyp, bolǵan jaǵdai týraly jetkizgen. Keiin aqparat quqyq qorǵaýshylarǵa jetken. Oqiǵa boiynsha qylmystyq is qozǵaldy. Politsiia kúdiktiniń jeke basyn anyqtap, ony bólimshege jetkizgen. Qazir tergeý amaldary júrgizilip jatyr.
