Jambyl oblysynyń Qulan aýylynan tórt shaqyrym jerde qatty turmystyq qaldyqtar poligonynda órt shyqty, dep habarlaidy dalanews.kz.
Órtti sóndirýge shamamen 70 adam men 26 tehnika jumyldyryldy. Órttiń qaita tutanýyna jol bermeý úshin qoqys massasy qabat-qabat ashylyp, sý sebilip, topyraqpen jabyldy. Nysanǵa jalpy kólemi 950 tekshe metr inertti material jetkizildi.
TJM málimetinshe, órtti sóndirý jumystary ekpindi jel men qoiý tútinge bailanysty qiyndaǵan. Oqiǵa ornynda TJM men jergilikti atqarýshy organdardyń kúshteri, «Aýyl qutqarýshylary» eriktileri, orman sharýashylyǵynyń mamandary, gaz qubyry salasynyń qyzmetkerleri jáne TJM meditsinalyq qyzmetkerleri jumys istedi.
Vedomstvo órttiń tolyq sóndirilgenin jáne onyń odan ári taralýyna jol berilmegenin habarlady. Zardap shekkender joq.
