Eki apta buryn Venesýelada bolǵan joiqyn qos jer silkinisinen qaza tapqandar sany 4 myńnan asty, dep habarlaidy dalanews.kz.
Ulttyq assambleia tóraǵasy Horhe Rodrigestiń málimetinshe, apat saldarynan 4118 adam kóz jumyp, taǵy 16 740 adam jaraqat alǵan. Bir kún buryn qaza tapqandar sany keminde 3889 adam dep habarlanǵan edi.
Maýsymnyń sońynda tirkelgen magnitýdasy 7,2 jáne 7,5 bolatyn eki jer silkinisi Karakasqa jaqyn ornalasqan jaǵalaýdaǵy La-Gýaira shtatyna eń kóp zardap keltirdi.
Apat oshaǵy sanalǵan La-Gýairada turǵyndar stadiondarǵa, sport alańdaryna, alańdarǵa jáne trotýarlarǵa ýaqytsha ornalastyrylǵan. Eriktiler olarǵa meditsinalyq kómek kórsetip, azyq-túlikpen qamtamasyz etip jatyr.
Resmi málimet boiynsha qiraǵan úilerdiń saldarynan 17 907 adam baspanasyz qalǵan. Sondai-aq, 800-den asa ǵimarat zaqymdanyp, onyń 190-y tolyq qiraǵan.
Aita keteiik, jumada Karakasta (astanasy - esk.) magnitýdasy 3 bolatyn taǵy bir jer silkinisi tirkeldi.
