Venesýela jaǵalaýynda magnitýdasy 7,1 bolatyn joiqyn jer silkinisi tirkeldi. Aldyn ala málimet boiynsha qaza tapqandar men zardap shekkender bar. Alaida olardyń naqty sany ázirge jariialanǵan joq, dep habarlaidy dalanews.kz.
Alǵashqy dúmpýlerden keiin birneshe qaitalama jer asty dúmpýi baiqalǵan. Bilik ókilderi Pýerto-Rikoǵa, sondai-aq, AQSh pen Ulybritaniianyń Virgin araldaryna tsýnami qaýpi týraly eskertý jasaǵan.
Áleýmettik jelide tabiǵi apattyń saldary túsirilgen videolar tarap jatyr. Kadrlarda ǵimarattar zaqymdanǵany, kei jerlerde qabyrǵalar qulaǵany kórinedi.
Sonymen qatar, el astanasyndaǵy halyqaralyq áýejai zardap shekken bolýy múmkin degen aqparat tarady.
Elde tótenshe jaǵdai jariialanǵan. Qutqarý qyzmetteri kúsheitilgen rejimde jumys istep jatyr.
