Úndistannyń Ýttar-Pradesh shtatynda bolǵan joiqyn daýyl men nóser saldarynan 100-den asa adam kóz jumdy, dep habarlaidy dalanews.kz.
Aldyn ala málimet boiynsha qurbandardyń kóbi qulaǵan aǵashtar men opyrylǵan úilerdiń astynda qalǵan. Tabiǵi apat birneshe kúnge sozylǵan qatty jańbyr men burshaqtan keiin bolǵan.
Óńirde tasqyn júrip, naizaǵai túsken. Saldarynan 50-den asa adam túrli jaraqat alǵan.
Tótenshe jaǵdaiǵa bailanysty Memleket basshysy Úndistan premer-ministrine kóńil aitý jedelhatyn joldady. Prezident Úndistannyń Ýttar-Pradesh shtatynda bolǵan qatty daýyl men nóser saldarynan kóptegen adam opat bolýyna bailanysty Narendra Modige kóńil aitty.
Qasym-Jomart Toqaev qaza tapqandardyń jaqyndarynyń qaiǵysyna ortaqtasyp, zardap shekken azamattar tezirek saýyǵyp ketýine tilektes ekenin jetkizdi.
