Astana mańyndaǵy Ulttyq panteonǵa jerlenetin adamdardyń tizimi ózgeredi. Tiisti ózgeristi Mádeniet jáne aqparat ministrligi daiyndady. Qujatqa súiensek, Prezidentterdiń otbasy músheleri de bul tizimnen alynyp tastalmaq, - dep habarlaidy Dalanews.kz.
Qazaqstannyń ulttyq panteony - Astana qalasynan ońtústikke qarai 17 shaqyrym jerde, Qabanbai batyr aýylynyń mańynda ornalasqan elitalyq zirat. Panteon Qabanbai batyr kesenesiniń negizinde salynǵan. Mundai sheshim 2014 jyly qabyldandy, al qurylys 2015 jyly bastaldy. Osylaisha nysan 2020 jylǵy maýsymda paidalanýǵa berildi.
Endi jańa ózgeriske sai myna adamdar ǵana panteon aýmaǵynda jerlenedi:
- Qazaqstan Prezidentteri;
- Qazaqstan premer-ministrleri jáne olardyń orynbasarlary;
- Parlament palatalarynyń tóraǵalary jáne olardyń orynbasarlary;
- Memlekettik keńesshiler, Prezident ákimshiliginiń basshylary;
- Konstitýtsiialyq sottyń, Joǵarǵy sottyń jáne Ulttyq banktiń tóraǵalary;
- Prezidentke tikelei baǵynatyn jáne esep beretin ministrler, memlekettik organdardyń basshylary, oblystardyń, respýblikalyq mańyzy bar qalalardyń jáne Astananyń ákimderi;
- "Halyq qaharmany", "Qazaqstannyń Eńbek eri" ataqtaryna ie bolǵan tulǵalar;
- "Altyn Qyran", "Otan", "Eńbek Dańqy" ordenderimen nagradtalǵan azamattar;
- "Keńes Odaǵynyń batyry", "Sotsialistik Eńbek eri" ataǵyna ie bolǵan azamattar;
- "Qazaqstannyń ǵaryshker-ushqyshy" qurmetti ataǵyna ie bolǵan azamattar;
- Prezidenttiń erekshe sheshimi boiynsha basqa da azamattar;
- panteonǵa jerlenetin adamdarmen olardyń jubailary jerlenýi múmkin.
Demek endi panteonǵa jerlenetin adamdar tizimnen Qazaqstan Prezidentteriniń otbasy músheleri, memlekettik hatshylar men Konstitýtsiialyq keńestiń tóraǵalary shyǵarylady.
Sonymen qatar, "Qazaqstan Respýblikasynyń Tuńǵysh Prezidenti - Elbasy Nursultan Nazarbaev" ordenimen marapattalǵan azamattar tizimnen shyǵady. Tiisti ózgeris "Tuńǵysh Prezident - Elbasy týraly" Qazaqstan Respýblikasynyń konstitýtsiialyq zańy kúshi joiylǵanyna bailanysty engizilgen.
Bul qaýly jobasy 4 naýryzǵa deiin jariia talqylaýda bolady.
