Uldana Myrzýannyń ólimine bailanysty qozǵalǵan qylmystyq is boiynsha aiyptalýshy Sáýle Jubaniiazova ózine taǵylǵan aiyptarmen kelispeitinin málimdedi, dep habarlaidy dalanews.kz.
Sáýle Jubaniiazova – qaiǵyly oqiǵa bolǵan turǵyn úidiń múlik ieleri birlestiginiń (MIB) tóraiymy. Sot otyrysy barysynda sýdia Merýert Abaeva aiyptalýshydan taǵylǵan aiyptarǵa qatysty ustanymyn surady. Jubaniiazova óz kinásin moiyndamaitynyn jáne aiyptaýmen tolyq kelispeitinin aitty.
Sondai-aq sotta dáleldemelerdi zertteý tártibi bekitildi. Aldymen jábirlenýshilerden jaýap alynady, keiin kýálar men aiyptalýshy tyńdalady. Odan soń is materialdary jariialanyp, qylmystyq iske tirkelgen beinejazbalar qaralady.
