Ýkraina Reseidiń munai óńdeý zaýyttaryna shabýyldardy qaita bastady. Bul týraly Ýkraina prezidenti Vladimir Zelenskii málimdedi, al 15 qazanda Riazan oblysyndaǵy munai óńdeý zaýytyna drondarmen shabýyl jasalǵany habarlandy, dep habarlaidy dalanews.kz.
Riazan oblysynyń gýbernatory Pavel Malkovtyń málimetinshe, aimaqqa jasalǵan iri dron shabýylynan keiin munai óńdeý zaýytynda órt shyqqan. Qazir keltirilgen materialdyq shyǵyn baǵalanyp, tótenshe jaǵdailar qyzmeti oqiǵa ornynda jumys istep jatyr.
Zelenskiidiń aitýynsha, Ýkraina AQSh prezidenti Donald Tramp Resei men Ýkraina arasyndaǵy energetikalyq nysandarǵa shabýyl jasamaý jónindegi ýaqytsha kelisimdi jariialaǵannan keiin Reseidiń munai infraqurylymyna soqqy berýdi eki kúnge toqtatqan. Alaida Máskeý Ýkrainadaǵy energetikalyq nysandarǵa shabýyldaryn jalǵastyrǵan.
Ýkraina prezidenti AQSh-tyń Kievke áskeri barlaý málimetterin berýdi shektegenine jáne Starlink spýtniktik bailanys qyzmetiniń jumysy baiaýlaǵanyna narazylyq bildirdi. Onyń sózinshe, ýkrainalyq áskeri qyzmetkerlerge energetikalyq nysandarǵa shabýyl toqtatylmasa, barlaý aqparaty berilmeitini eskertilgen. Vashington bul másele boiynsha óz ustanymyn bólek bildirgen.
Zelenskii Reseidiń munai óńdeý zaýyttaryna shabýyl jasaýdy toqtatý máselesin AQSh-pen qarym-qatynasty jaqsartý úshin qarastyrýǵa daiyn ekenin, biraq onyń ornyna Ýkrainaǵa qosymsha amerikalyq Patriot áýe qorǵanysy júieleriniń zymyrandary berilýi kerektigin aitty.
Buǵan deiin Tramp Ýkrainaǵa Reseidiń munai infraqurylymyna shabýyl jasaýdy toqtatýǵa shaqyrǵan. Bul másele munai ónimderiniń álemdik baǵasy ósken kezeńde kóterilip otyr.
