Qazaqstandyq MMA faiteri Bekzat Almahan mansabyn Grýziianyń RKENA promoýsheninde jalǵastyrady. Sportshynyń jańa ligamen kelisimshartqa otyrǵanyn promoýshenniń baspasóz qyzmeti málimdedi, dep habarlaidy Sportinside.kz.
RKENA uiymy qazaqstandyq faiterdi resmi túrde tanystyryp, ony liganyń jańa múshesi retinde qarsy aldy.
«Qazaqstannyń úzdik faiterleriniń biri Bekzat Almahandy RKENA otbasyna qarsy alaiyq!» – delingen promoýshenniń Instagram paraqshasynda.
Bekzat Almahan 13 tamyzda kelisimsharty aiaqtalǵannan keiin UFC rosterinen shyǵarylǵan bolatyn.
Qazaqstandyq sportshynyń UFC-degi debiýti 2024 jyldyń naýryzynda ótti. Ol qysqa merzimde usynys qabyldap, sol sátte jeńilis kórmegen reseilik Ýmar Nýrmagomedovpen jekpe-jekke shyqty. Almahan birinshi raýndta qarsylasyn nokdaýnǵa túsirgenimen, úsh raýnd qorytyndysynda tóreshilerdiń biraýyzdan shyǵarǵan sheshimimen jeńiliske ushyrady.
Al UFC-degi alǵashqy ári jalǵyz jeńisin Bekzat 2025 jyldyń mamyrynda tirkedi. Ol kanadalyq Bred Katonany birinshi raýndta nokaýtpen jeńdi.
Odan keiin qazaqstandyq faiter 2025 jyldyń qarashasynda Aleksandr Topýriiaǵa, al 2026 jyldyń maýsymynda braziliialyq Jan Matsýmotoǵa ese jiberdi.
Bekzat Almahan endi mansabynyń jańa kezeńin Grýziianyń RKENA promoýsheninde bastaidy.
RKENA – 2025 jyldyń qazanynda qurylǵan MMA uiymy. Liga týrnirlerin negizinen Tbilisidegi Sport saraiynda ótkizedi.
Promoýshen osy ýaqytqa deiin úsh iri týrnir uiymdastyrǵan. Rkena FC 1 týrniri 2025 jylǵy 29 qarashada ótse, Rkena FC 2 – 2026 jylǵy 14 naýryzda, al Rkena FC 3 – 2026 jylǵy 16 mamyrda uiymdastyryldy.
