Túrkistan oblysynda konferents-zaldy jóndeýge merdigerden 35 túrli tehnika talap etilgen, dep habarlaidy dalanews.kz.
Goszakup turaly telegram arnasynyń avtorlary atalǵan memlekettik satyp alýǵa alǵash ret 13 tamyzda nazar aýdarǵan. Sol kezde konferents-zaldy jóndeitin kompaniiaǵa traktory bolýy kerek degen talap qoiylǵan. Budan bólek, merdigerdiń buryn osyndai jumystardy atqarǵan tájiribesi bolýy mindettelgen.
Keiin tapsyrys berýshi satyp alý qujattaryn ózgertip, jóndeý jumystarynyń smetasyn jariialaǵan. Alaida tehnikaǵa qoiylatyn talaptardy qysqartýdyń ornyna olardyń tizimin kóbeitken.
"Bastapqyda talap etilgen jalǵyz traktordyń qataryna ekskavator, samosval, avtokótergish, tiegishter, júk-jolaýshy kóligi jáne 15 oryndyq avtobýs qosylǵan. Bul rette qajetti tehnika sany jumysshylar sanynan da kóp", - delingen arna jazbasynda.
Tizimge shynjyr tabandy traktor, jol jiegin qalyptastyratyn arnaiy tehnika, syiymdylyǵy keminde 8 myń litr bolatyn sýarý-jýý mashinalary jáne basqa da kólikter engizilgen. Keibir tehnikanyń birneshe danasy suralǵan. Jalpy sany – 35.
Arna avtorlary konferents-zaldy jóndeýge jol salý men kútip ustaýǵa arnalǵan tehnikalardyń ne úshin qajet bolǵany túsiniksiz ekenin atap ótti. Sonymen qatar jumysshylar tizimine jol jumysshylary, tehnik maman men júrgizýshiler de qosylǵan.
"Mundai talaptardyń Ishki memlekettik aýdit departamentiniń nazarynan qalai tys qalǵany – jumbaq", - dep jazdy derekkóz.
