Túrkistan oblysynda Syrdariia ózenine shomylýǵa barǵan eki aǵaiyndy azamat qaza tapty., dep habarlaidy dalanews.kz.
Qaiǵyly oqiǵa 22 tamyz kúni Saýran aýdanyna qarasty Úshqaiyq aýyldyq okrýgi aýmaǵyndaǵy Syrdariia ózeninde bolǵan.
Aldyn ala málimet boiynsha, 1998 jáne 2002 jyly týǵan aǵaiyndylar sýǵa túsýge tyiym salynǵan jerde shomylǵan. Sol kezde kishi inisi sýǵa batyp bara jatqan. Ony qutqarmaq bolǵan aǵasy da ózenge sekirgenimen, ekeýi de sýdan shyǵa almaǵan.
Qutqarýshylar 2002 jyly týǵan azamattyń denesin keshe tapty. Marqumnyń artynda 1,5 jasar balasy qaldy. Onyń jaqynda ǵana Nazarbaev Ziiatkerlik mektebine jumysqa ornalasqany belgili boldy.
Al búgin 1998 jyly týǵan azamattyń máiiti sýdan shyǵaryldy. Onyń artynda 2,5 jastaǵy balasy men júkti jubaiy qaldy. Marqum Túrkistan oblystyq qoǵamdyq damý basqarmasynda qyzmet atqarǵan. Oqiǵanyń mán-jaiy anyqtalyp jatyr.
