Áleýmettik jelide Túrkistan oblysy Tólebi aýdany Leńgir qalasynda eks-ministr Bishimbaevtyń ájesiniń esimi kóshege berilgeni týraly aqparat tarady. Dalanews.kz mán-jaidy anyqtady.
"Qýandyq Bishimbaevtyń ákesi osy Túrkistan oblysynyń týmasy eken", - dep jazylǵan jelidegi aqparatta.
Oblys ákimdiginiń baspasóz qyzmetine júgingende, rasynda da, Túrkistan oblysynda Mariia Bishimbaeva atyndaǵy kóshe bar bolyp shyqty. Degenmen bir niýans bar.
"Bishimbaeva Máriiam - Tólebi aýdanynyń Qurmetti azamaty. Aýdanǵa eńbegi sińgeni úshin Tólebi aýdany, Leńgir qalasyndaǵy burynǵy ataýy Sadovaia kóshesi Leńgir qalasy ákimdiginiń 2001 jylǵy 6 shildedegi №215 sheshimimen Mariia Bishimbaeva kóshesi bolyp qaita ataldy", - dep jazylǵan habarlamada.
Degenmen bul esimniń áielin óltirdi dep aiyptalyp otyrǵan Qýandyq Bishimbaevqa eshqandai qatysy joq bolyp shyqty.
"Mariia Bishimbaeva - oblys, aýdannyń damýyna úlken úles qosqan, birneshe jyl Qazyǵurt aýyldyq keńesiń basqarǵan, elge eńbegi sińgen azamat.
Ol 1940 jyly Badam aýyldyq sovetiniń hatshysy, 1947 jyldan tóraiymy bolyp sailandy. 1949 jyly alty ýaq aýyldyń keńesteri birigip, Qazyǵurt aýyldyq keńesi bolyp quryldy. Mariia Bishimbaeva osy aýyldyq keńestiń 45 jyl boiy tóraiymy boldy. M.Bishimbaeva basqarǵan Qazyǵurt aýyldyq keńesi respýblikada kóptegen jyl "Eń úzdik aýyldyq keńes" bolyp tanylǵan. Aýyldyq, oblystyq keńesterdiń depýtaty, Qazaqstan Kompartiiasy XIII seziniń delegaty bolyp sailanǵan.
Eren eńbekteri úshin ol "Qyzyl Tý" ordenimen, "Eńbektegi erligi úshin", "Eńbekte úzdik shyqqan úshin" medaldarymen nagradtaldy", - dedi oblys ákimdigi ókilderi.
