Túrkistan oblysynda 2 003 479 adam turady
Halyq sanaǵy eki kezeńmen júrgiziledi. Birinshi – daiyndyq kezeńi maýsym aiynda ótti. Túrkistan oblystyq statistika departamentiniń málimetinshe, sanaqtyń alǵashqy kezeńinde óńirde turatyn halyqtyń sany 2 003 479 adamdy qurady. Bul sharaǵa Túrkistan oblysynynan 127 ýákil, 50 nusqaýshy-baqylaýshy jáne 352 interviýer jumysqa tartyldy.
Ulttyq halyq sanaǵynyń ekinshi, negizgi kezeńi 1 qyrkúiekten 30 qazan aralyǵynda ótedi. Onyń ishinde onlain sanaq 1 qyrkúiekten 15 qazan aralyǵynda bolady.
Onlain sanaqtan ótpegen azamattardy qamtý úshin dástúrli jappai aralaý ádisi josparlanǵan. Dástúrli sanaq qajetti sanitarlyq normalardy saqtai otyryp, 2021 jyldyń 1 qazanynan 30 qazanyna deiin júrgiziletin bolady.
Arnaiy mobildi qosymshanyń kómegimen interviýer barlyq kiriktirilgen arifmetikalyq jáne logikalyq baqylaýdy eskere otyryp saýalnama júrgize alady. Alynǵan málimetter tikelei ortaq derekqorǵa jiberiledi. Suhbattasýshylar elektrondy planshetterdi qoldanady. Bul sanaq protsesin júrgizý úshin Túrkistan oblysy boiynsha 3 myńǵa jýyq azamat tartylady. Onyń ishinde 400-ge jýyq nusqaýshy-baqylaýshy, 2500-ge jýyq sanaqshy qyzmet etedi. Sanaq júrgizetin interviýerdiń moinynda kók tústi «Halyq sanaǵy» simvolikasy bar sharf, kók tústi sómkesi, plansheti jáne Interviýer ekenin aishyqtaityn beidj-qujaty bolady. Ol qujatta fotosýreti, aty-jóni, tiisti aýmaqtyq statistika bóliminiń móri jáne nómiri kórsetiledi. Ol nómirdi sanaq.gov.kz saityndaǵy «interviýerdi izdeý» jolaǵyna engizý arqyly tekserýge bolady.
